തിരുവനന്തപുരം : നെയ്യാർ ഡാമിലെ കൂട്ടിൽ നിന്നും ചാടിയ കടുവയ്ക്കായുള്ള തിരച്ചിൽ അധികൃതർ ഊർജ്ജിതമാക്കി. കൂട്ടിൽ കയറ്റാനുള്ള ശ്രമത്തിനിടെ കാണാതായ കടുവ ഡാമിൽ ചാടിയെന്ന സംശയത്തെതുടർന്ന് അണക്കെട്ടിൽ തിരച്ചിൽ തുടരുകയാണ്.
വയനാട്ടിൽ നിന്നും നെയ്യാർ സിംഹ സഫാരി പാർക്കിലെത്തിച്ച കടുവ കൂട് തകർത്തു രക്ഷപ്പെടുകയായിരുന്നു. വയനാട് ജില്ലയിലെ ചീയംമ്പം പ്രദേശത്ത് ഭീതി പടർത്തിയ കടുവയെ കഴിഞ്ഞ ദിവസമാണ് നെയ്യാറിലെത്തിച്ചത്. രണ്ടുമാസത്തോളം ചീയമ്പം പ്രദേശത്ത് വളർന്ന കടുവ നിരവധി മൃഗങ്ങളെ കൊന്നൊടുക്കിയിരുന്നു. ഈ മാസം 25 -നാണ് 9 വയസ്സുള്ള കടുവ വനപാലകരുടെ കൂട്ടിലായത്.
Discussion about this post