ന്യൂഡൽഹി: കേന്ദ്ര ആഭ്യന്തര മന്ത്രി അമിത് ഷാ ഇന്ന് തമിഴ്നാട് സന്ദർശിക്കും.67,378 കോടിരൂപയുടെ നിർമ്മാണ വികസന പ്രവർത്തനങ്ങൾക്ക് ഇന്ന് കേന്ദ്ര ആഭ്യന്തര മന്ത്രി തറക്കല്ലിടും.
നിയമസഭാ തിരഞ്ഞെടുപ്പ് വരാനിരിക്കെയാണ് തമിഴ്നാട്ടിൽ ഇലക്ഷൻ തരംഗത്തിന് തുടക്കം കുറിച്ചുകൊണ്ട് അമിത് ഷായുടെ സന്ദർശനം. അടുത്ത വർഷം ഏപ്രിൽ മെയ് മാസങ്ങളിലാണ് തമിഴ്നാട്ടിൽ തെരഞ്ഞെടുപ്പ് നടക്കുക. ജയലളിതയും കരുണാനിധിയും ഇല്ലാത്ത ആദ്യത്തെ നിയമസഭാ തിരഞ്ഞെടുപ്പ് എന്ന പ്രത്യേകതയും ഈ തെരഞ്ഞെടുപ്പിനുണ്ട്.
വെട്രി വേൽ യാത്ര പോലുള്ള സമഗ്ര പരിപാടികളുമായി ബിജെപി ശക്തമായ അടിത്തറ സൃഷ്ടിച്ചു കൊണ്ടിരിക്കുന്ന തമിഴ്നാട്ടിൽ, തെരഞ്ഞെടുപ്പിനു മുന്നോടിയായുള്ള അമിത് ഷായുടെ സന്ദർശനം ബിജെപിക്ക് കരുത്തു പകരുമെന്നാണ് രാഷ്ട്രീയ നിരീക്ഷകർ വിലയിരുത്തുന്നത്. അതേസമയം, ഷാ സൂപ്പർ താരം രജനീകാന്തുമായി കൂടിക്കാഴ്ച നടത്തുമെന്നും ബിജെപി വൃത്തങ്ങൾ വെളിപ്പെടുത്തുന്നുണ്ട്.
