തിരുവനന്തപുരം : ധനമന്ത്രി കെ.എന്‍ ബാലഗോപാല്‍ അവതരിപ്പിച്ച രണ്ടാം പിണറായി സര്‍ക്കാറിന്റെ ആദ്യ ബജറ്റില്‍ കെആര്‍ ഗൗരിയമ്മയ്ക്കും, കേരള കോണ്‍ഗ്രസ് ബി നേതാവ് ആര്‍ ബാലകൃഷ്ണ പിള്ളയ്ക്കും സ്മാരകം നിര്‍മ്മിക്കാന്‍ വന്‍ തുകയാണ് പ്രഖ്യാപിച്ചിരിക്കുന്നത്.
കെ ആര്‍ ഗൗരിയമ്മയ്ക്കും, ആര്‍ ബാലകൃഷ്ണ പിള്ളയ്ക്കും സ്മാരകം പണിയാന്‍ രണ്ട് കോടി വീതം മാറ്റിവെക്കുന്നുവെന്നാണ് ധനമന്ത്രി കെഎന്‍ ബാലഗോപാല്‍ അവതരിപ്പിച്ച ബജറ്റില്‍ പറയുന്നത്.
കേരള രാഷ്ട്രീയത്തിലെ ഉജ്ജ്വല വ്യക്തിത്വമായിരുന്ന കെആര്‍ ഗൗരിയമ്മയ്ക്ക് ഉചിതമായ സ്മാരകം നിര്‍മ്മിക്കാന്‍ 2 കോടി വകയിരുത്തുന്നുവെന്ന് പറഞ്ഞ ധനമന്ത്രി ആറ് പതിറ്റാണ്ടിലേറെ സംസ്ഥാന രാഷ്ട്രീയത്തിലും സാമൂഹ്യ രംഗത്തും നിറഞ്ഞുനിന്ന ആര്‍ ബാലകൃഷ്ണ പിള്ളയ്ക്ക് സ്വന്തം മണ്ഡലമായ കൊട്ടാരക്കരയില്‍ സ്മാരകം നിര്‍മ്മിക്കാന്‍ 2 കോടി വകയിരുത്തുന്നുവെന്നും പറഞ്ഞു.
കൂടാതെ, വ്യത്യസ്തന മതദര്‍ശനങ്ങളിലെ മാനവികതയുടെ മൂല്യങ്ങള്‍ പ്രചരിപ്പിക്കുക എന്ന ലക്ഷ്യം വെച്ച്‌ മഹാത്മാഗാന്ധി സര്‍വ്വകലാശാലയില്‍ മാര്‍ ക്രിസോറ്റോം ചെയര്‍ സ്ഥാപിക്കാന്‍ 50 ലക്ഷം രൂപയും വകയിരുത്തി.
