തിരുവനന്തപുരം: സംസ്ഥാനത്ത് ലോക്ക്ഡൗൺ മൂലം നിർത്തിവെച്ചിരുന്ന മദ്യ വിൽപ്പന നാളെ മുതൽ പുനരാരംഭിക്കും. ബെവ്ക്യൂ ആപ്പ് ഒഴിവാക്കിയാണ് മദ്യവിൽപ്പന. ഉപഭോക്താക്കൾക്ക് ബെവ്കോ ഔട്ട്ലെറ്റ് വഴി നേരിട്ട് മദ്യം വാങ്ങാം.
സാമൂഹിക അകലം പാലിച്ച് മദ്യവിൽപ്പന നടത്തണമെന്നാണ് നിർദ്ദേശം. ആപ്പ് വഴി സ്ലോട്ട് ബുക്ക് ചെയ്ത് മദ്യവിൽപ്പന നടത്തുമെന്നായിരുന്നു നേരത്തെ അറിയിച്ചിരുന്നത്. എന്നാൽ ആപ്പ് ഉടൻ സജ്ജമാക്കുന്നതിന് ചില പ്രായോഗിക തടസ്സങ്ങളുണ്ടെന്ന് ബെവ്ക്യൂ ആപ്പിന്റെ പ്രതിനിധികൾ സർക്കാരിനെ അറിയിക്കുകയായിരുന്നു. ഇതോടെ ആപ്പ് ഒഴിവാക്കി മദ്യവിൽപ്പന നടത്താൻ തീരുമാനിക്കുകയായിരുന്നു.
