കബൂൾ: അഫ്ഗാനിസ്ഥാനിൽ വ്യോമാക്രമണത്തിൽ 81 താലിബാൻ ഭീകരരെ സുരക്ഷാ സേന വധിച്ചു. നോർത്തേൺ ബാൾക്ക് പ്രവിശ്യയിലായിരുന്നു ആക്രമണം. ഹെലികോപ്റ്ററുകളും യുദ്ധവിമാനങ്ങളും ഉൾപ്പെടെ ഉപയോഗിച്ച് ഭീകര കേന്ദ്രങ്ങൾക്ക് സൈന്യം കനത്ത നാശനഷ്ടം വരുത്തിയതായി അന്താരാഷ്ട്ര മാധ്യമം റിപ്പോർട്ട് ചെയ്യുന്നു.
ആക്രമണത്തിൽ 43 ഭീകരർക്ക് പരിക്കേറ്റു. ആക്രമണത്തിൽ ഭീകരർ ഉപയോഗിച്ചിരുന്ന ഇരുപത്തിയഞ്ചോളം വാഹനങ്ങളും മോട്ടോർ ബൈക്കുകളും അഫ്ഗാൻ സേന തകർത്തു. ഭീകര കേന്ദ്രങ്ങളിൽ നടത്തിയ പരിശോധനയിൽ നിരവധി ആയുധങ്ങളും അഫ്ഗാൻ സേന പിടിച്ചെടുത്തു.
നേരത്തെ ജനവാസ കേന്ദ്രത്തിൽ ആക്രമണം നടത്തിയ ഭീകരർ നൂറോളം സാധാരണക്കാരെ വധിച്ചിരുന്നു. ഇതിന് മറുപടിയായി അഫ്ഗാൻ സേന പ്രത്യാക്രമണം ശക്തമാക്കിയിരിക്കുകയാണെന്ന് അഫ്ഗാൻ സൈനിക വൃത്തങ്ങളെ ഉദ്ധരിച്ച് അന്താരാഷ്ട്ര മാധ്യമം റിപ്പോർട്ട് ചെയ്യുന്നു.
