മലപ്പുറം: സംസ്ഥാനത്ത് കൊവിഡ് വ്യാപനം ഏറ്റവും രൂക്ഷമായ മലപ്പുറത്ത് ഡോക്ടർക്ക് നേരെ ആക്രമണം. വെളിയന്നൂര്‍ പ്രാഥമിക ആരോഗ്യ കേന്ദ്രത്തിലെ ഡോക്ടറെയാണ് ഒരു സംഘം കൈയ്യേറ്റം ചെയ്തത്. ഈ സംഭവത്തിൽ കുറ്റക്കാര്‍ക്കെതിരേ നടപടി ആവശ്യപ്പെട്ട് പൊന്നാനി താലൂക്കിലെ ഡോക്ടര്‍മാര്‍ നിസഹരണ സമരം ആരംഭിച്ചു.
കഴിഞ്ഞ ദിവസമായിരുന്നു വാക്സിനേഷനുമായി ബന്ധപ്പെട്ട തര്‍ക്കത്തിനിടെ ഡോക്ടര്‍ക്ക് നേരെ ആക്രമണം നടന്നത്. വാക്സിനേഷന് എത്തിയവര്‍ തിരക്കുണ്ടാക്കിയപ്പോള്‍ പ്രാഥമിക ആരോഗ്യ കേന്ദ്രത്തിലെ ഡോക്ടറും ജീവനക്കാരും ഇത് നിയന്ത്രിക്കാൻ ശ്രമിച്ചു. ഇതിനെ തുടർന്നാണ് തർക്കമുണ്ടായത്.
ഇതിനെ തുടർന്ന് ഡോക്ടറും ജീവനക്കാരും ജോലി ചെയ്യാൻ സാധിക്കാതെ ബുദ്ധിമുട്ടി. ഈ അവസരത്തിൽ കുറച്ചുപേര്‍ ചേര്‍ന്ന് ഡോക്ടറെ കൈയേറ്റം ചെയ്യുകയായിരുന്നു. കുറ്റക്കാര്‍ക്കെതിരേ നടപടി സ്വീകരിക്കുന്നില്ലെങ്കില്‍ സമരം വ്യാപിപ്പിക്കുമെന്ന് കെജിഎംഒഎ വ്യക്തമാക്കി.
