കൊച്ചി : കൊച്ചിയിൽ ഹോളിവുഡ് സിനിമയെ വെല്ലുന്ന പ്രകടനവുമായി സീരിയൽ നടിയും കൂട്ടാളിയും. അമിതമായി ലഹരി ഉപയോഗിച്ചശേഷം അപകടകരമായി വാഹനമോടിച്ചു നിരവധി വാഹനങ്ങൾ ഇടിച്ചു തെറിപ്പിച്ചാണ് ഇരുവരും നഗരത്തിൽ പരിഭ്രാന്തി പടർത്തിയത്. സീരിയൽ നടി അശ്വതി ബാബുവും (26) ഇവരുടെ സുഹൃത്ത് നൗഫലുമാണ് സംഭവത്തിൽ കസ്റ്റഡിയിലായത്, ഇന്ന് വൈകുന്നേരമാണ് സംഭവം നടന്നത്.
കുസാറ്റ് ജംഗ്ഷൻ മുതൽ തൃക്കാക്കര ക്ഷേത്രം വരെയുള്ള റോഡിലൂടെയായിരുന്നു നൌഫൽ അമിതവേഗതയിൽ വണ്ടി ഓടിച്ചത്. റോഡിലുള്ള വാഹനങ്ങൾ തട്ടിത്തെറിപ്പിച്ചതോടെ നാട്ടുകാർ രോഷാകുലരായി.ഇതോടെ തൃക്കാക്കര ക്ഷേത്രത്തിനു സമീപത്തു നാട്ടുകാർ വാഹനം തടയാൻ ശ്രമിച്ചു. വെട്ടിച്ചെടുത്തു രക്ഷപെടാൻ നോക്കിയെങ്കിലും നൌഫലിൻറെ കാറിൻറെ ടയർ പൊട്ടി. ഇതിനെ തുടർന്നു വാഹനം ഉപേക്ഷിച്ചു രക്ഷപെടാനായി ഇരുവരുടെയും ശ്രമം. ഇതിനിടെ നാട്ടുകാർ അറിയിച്ചതിനെ തുടർന്ന് തൃക്കാക്കര പൊലീസ് സ്ഥലത്തെത്തി ഇരുവരെയും കസ്റ്റഡിയിലെടുത്തു. ഇവരെ മെഡിക്കൽ പരിശോധനയ്ക്ക് വിധേയമാക്കും.തിരുവനന്തപുരം തുമ്പ ആറാട്ടുവഴി സ്വദേശിനിയാണ് അശ്വതി ബാബു.
ആളുകൾ ചുറ്റിലും കൂടിയതോടെ ഒപ്പമുണ്ടായിരുന്ന നടി അശ്വതി ബാബു നൗഫലിനെ സ്ഥലത്തുനിന്നു മാറ്റാൻ ശ്രമിച്ചു. ഇരുവരും അടുത്തുള്ള സ്കൂളിന്റെ ഭാഗത്തേയ്ക്കു പോയെങ്കിലും പൊലീസെത്തി നൗഫലിനെ പിടികൂടി. പിന്നീട് നാട്ടുകാർ നൽകിയ വിവരമനുസരിച്ചാണ് നടിയെ കണ്ടെത്തിയത്.
Discussion about this post