ന്യൂഡൽഹി: ഇന്ത്യയിൽ വിൽക്കുന്ന പ്രമുഖ ബ്രാൻഡുകളുടെ സാനിറ്ററി പാഡുകളിൽ വിഷ രാസവസ്തുക്കൾ അടങ്ങിയിരിക്കുന്നതായി പഠന റിപ്പോർട്ട്. ഓർഗാനിക് പാഡുകളിളും ശരീരത്തിന് ഹാനികരമാകുന്ന വിധത്തിലുള്ള മാരക വസ്തുക്കളുണ്ടെന്നാണ് കണ്ടെത്തൽ.
പക്ഷാഘാതം, ഓർമ്മക്കുറവ്, പ്രമേഹം , ഹൃദ് രോഗം, അർബുദം എന്നിവയ്ക്ക് കാരണമാകുന്ന രാസവസ്തുക്കളാണെന്നാണ് കണ്ടെത്തൽ . ഡൽഹി ആസ്ഥാനമായ ‘ടോക്സിക്സ് ലിങ്ക്’ എന്ന എൻ.ജി.ഒ നടത്തിയ പഠനത്തിൽ ആണ് കണ്ടെത്തൽ.
ഇന്ത്യയിലുടനീളം ലഭ്യമായ പത്ത് ബ്രാൻറുകളിലായിരുന്നു പഠനം നടത്തിയത്. ഇവയിലെല്ലാം തന്നെ ഫലേറ്ററുകളുടെയും അസ്ഥിര ജൈവസംയുക്തങ്ങളുടെ അംശം കണ്ടെത്തിയതായാണ് പഠനം വ്യക്തമാക്കുന്നത്. ഇത് ജനിതവൈകല്യത്തിനും കാരണമാകുമെന്നാണ് പറയപ്പെടുന്നത്. നാല് ഓർഗാനിക് ബ്രാൻറുകളിലും പഠനം നടത്തിയിരുന്നു. ഇവയിൽ 10 മുതൽ 19,600 മൈക്രോഗ്രാം വരെ താലേറ്റുകൾ ഉണ്ടെന്ന് കണ്ടെത്തി.
