തായ്പേയ് സിറ്റി; പ്രണയതകർച്ചയെ ഭാഗ്യത്തിലേക്കുള്ള വഴിയാക്കി മാറ്റി 20 കാരനായ യുവാവ്. തായ്വാനിലാണ് സംഭവം. പ്രണയതകർച്ചയെ കുറിച്ച് ഏറെ വിഷമത്തിലായിരുന്നു യുവാവ്. ഈ മാസം 10 ന് യുവാവിന്റെ കാമുകി അദ്ദേഹത്തെ ചതിച്ച് പ്രണയം ഉപേക്ഷിച്ച് പോയിരുന്നു. ഇനിയെന്ത് ചെയ്യും ജീവിതം അവസാനിച്ചു എന്ന തോന്നലിലായി യുവാവിന്റെ പിന്നീടുള്ള ദിവസങ്ങൾ.
അങ്ങനെയിരിക്കെ, കഴിഞ്ഞ ദിവസം യുവാവ് യാദൃശ്ചികമായി ഇൻസ്റ്റന്റ് ലോട്ടറി ഏജൻസി പ്രവർത്തിക്കുന്ന സ്ഥലത്ത് കൂടെ പോയി. ലോട്ടറി വിൽപ്പന കണ്ടപ്പോൾ തന്റെ ഭാഗ്യം ഒന്ന് പരീക്ഷിക്കാൻ അവൻ തീരുമാനിക്കുകയായിരുന്നു.
കാമുകിയുമായി പിരിഞ്ഞ തീയതിയാണ് അദ്ദേഹം തിരഞ്ഞെടുത്ത ലോട്ടറിയുടെ നമ്പർ. ഫലം പ്രഖ്യാപിച്ചതോടെ തന്റെ ഭാഗ്യം ഇനിയും അവസാനിച്ചിട്ടില്ലെന്ന് യുവാവ് മനസിലാക്കുകയായിരുന്നു. ഒരു മില്യൺ ന്യൂ തായ്വാൻ ഡോളറാണ്. ഇത് 33000 യുഎസ് ഡോളർ വരും. അതായത് ഇന്ത്യൻ രൂപയാണെങ്കിൽ 26 ലക്ഷം രൂപയിൽ അധികം വരും.
Discussion about this post