കണ്ണൂർ : കണ്ണൂരിൽ ഫ്രിഡ്ജ് പൊട്ടിത്തെറിച്ച് വീടിന് തീപിടിച്ചു. അഴിക്കോട് എഴുത്താണി ബിന്ദുവിന്റെ വീടിനാണ് തീപിടിച്ചത്. നാട്ടുകാരും അഗ്നിരക്ഷാ സേനയും ചേർന്ന് തീയണച്ചു.
അടുക്കളയിൽ നിന്ന് ഉച്ചത്തിലുളള ശബ്ദം കേട്ട് നോക്കിയപ്പോഴാണ് ഫ്രിഡ്ജ് പൊട്ടിത്തെറിച്ചതായി കണ്ടെത്തിയത്. ഈ സമയം അടുക്കളയിൽ ആരും തന്നെ ഇല്ലാതിരുന്നത് കൊണ്ട് വലിയ ദുരന്തം ഒഴിവായി.
എന്നാൽ വീടിന്റെ ഭിത്തിക്കും മറ്റും കേടുപാടുകൾ സംഭവിച്ചിട്ടുണ്ട്. തീപിടുത്തത്തിന്റെ കാരണം ഇതുവരെ വ്യക്തമായിട്ടില്ല.
