എറണാകുളം: കരിപ്പൂർ വിമാനത്താവളത്തിലേക്കുള്ള സ്പെെസ് ജെറ്റ് വിമാനം ഇറങ്ങിയത് നെടുമ്പാശ്ശേരിയിൽ. ജിദ്ദയിൽ നിന്നും യാത്രികരുമായി കരിപ്പൂരിലേക്ക് വന്ന വിമാനമാണ് നെടുമ്പാശ്ശേരിയിൽ ഇറക്കിയത്. മുന്നറിയിപ്പ് നൽകാതെ വിമാനം നെടുമ്പാശ്ശേരിയിൽ ഇറക്കിയതിനെതിരെ പ്രതിഷേധവുമായി യാത്രികർ രംഗത്ത് എത്തി.
ഉച്ചയോടെയായിരുന്നു സംഭവം. കരിപ്പൂർ വിമാനത്താവളത്തിൽ റൺവേയിൽ നിലവിൽ അറ്റകുറ്റപ്പണികൾ പുരോഗമിക്കുകയാണ്. ഇതേ തുടർന്ന് ഇവിടെ പകൽ വിമാനം ഇറങ്ങുന്നില്ല. ഇതോടെയാണ് നെടുമ്പാശ്ശേരിയിൽ ഇറക്കിയത്.
എന്നാൽ വിമാനത്താവളം മാറിപ്പോയതോടെ വിമാനത്താവളത്തിൽ ഉണ്ടായിരുന്നവർ ശക്തമായ പ്രതിഷേധവുമായി രംഗത്ത് എത്തി. വിമാനത്തിൽ നിന്നും ഇറങ്ങാതെയായിരുന്നു പ്രതിഷേധം. ഇവരെ അനുനയിപ്പിക്കാനുള്ള ശ്രമങ്ങൾ പുരോഗമിക്കുകയാണ്.
