തിരുവനന്തപുരം: കേരള ബ്ലാസ്റ്റേഴ്സിന് കത്തയച്ച് സംസ്ഥാന പോലീസ് മേധാവി. സുരക്ഷയൊരുക്കിയതിനുള്ള കുടിശ്ശിക എത്രയും വേഗം നൽകണമെന്ന് ആവശ്യപ്പെട്ടാണ് കത്ത് നൽകിയത്. ഒരു കോടിയിലധികം രൂപയാണ് നൽകാനുള്ളതെന്ന് പോലീസ് നൽകിയ കത്തിൽ അറിയിച്ചു.
2016 മുതൽ 2019 വരെ മാത്രം 1.34 കോടി രൂപയാണ് സുരക്ഷ ഒരുക്കിയതിന് ബ്ലാസ്റ്റേഴ്സ് നൽകാനുള്ളത്. എന്നാൽ ഇത് നൽകിയില്ല. വെറു നന്ദി പ്രകടനം മാത്രമാണ് ബ്ലാസ്റ്റേഴ്സിൽ നിന്നും ലഭിച്ചതെന്നും കത്തിൽ പറയുന്നു. കുടിശ്ശിക ആവശ്യപ്പെട്ട് നിരവധി തവണ പോലീസ് ബ്ലാസ്റ്റേഴ്സിന് കത്ത് നൽകിയിരുന്നു. എന്നാൽ പണം ലഭിച്ചിരുന്നില്ല. ഇതേ തുടർന്നാണ് വീണ്ടും കത്തിലൂടെ മുന്നറിയിപ്പ് നൽകിയത്.
കൊച്ചിയിൽ നടന്ന മത്സരങ്ങൾക്കായിരുന്നു പോലീസ് സുരക്ഷ ഒരുക്കിയത്. 2016 ൽ ബ്ലാസ്റ്റേഴ്സിന്റെ മത്സരത്തിനിടെ സ്റ്റേഡിയത്തിൽ ചില സംഘർഷങ്ങൾ ഉണ്ടായിരുന്നു. ഇതേ തുടർന്ന് ശക്തമായ സുരക്ഷ ഒരുക്കാൻ ബ്ലാസ്റ്റേഴ്സ് പോലീസിനോട് ആവശ്യപ്പെടുകയായിരുന്നു. കഴിഞ്ഞ സീസൺവരെ പോലീസ് സുരക്ഷ ഒരുക്കുയിരുന്നു. അതുവരെയുള്ള കുടിശ്ശികയാണ് നൽകാനുള്ളത് എന്നാണ് പോലീസ് പറയുന്നത്. അതേസമയം പണം നൽകുന്നതിൽ നിന്നും ഒഴിവാകാനുള്ള ശ്രമങ്ങളും ബ്ലാസ്റ്റേഴ്സ് നടത്തിയിരുന്നു.
