കാസർകോട് : മൊഗ്രാൽപുത്തൂരിൽ എംഡിഎംഎയുമായി യുവതി അറസ്റ്റിൽ. എരിയാൽ പഞ്ചത്തുകുന്നിൽ വാടകവീട്ടിൽ നിന്നാണ് എംഡിഎംഎ കണ്ടെടുത്തത്. സംഭവത്തിൽ വീട്ടമ്മയായ എസ്.റംസൂണയെ(35) എക്‌സൈസ് അറസ്റ്റ് ചെയ്തു.
വാടക വീട്ടിൽ നടത്തിയ പരിശോധനയിൽ 9.021 ഗ്രാം എംഡിഎംഎ എക്‌സൈസ് അധികൃതർ കണ്ടെടുത്തു. പ്രതിയെ ഈ മാസം 23-വരെ കോടതി റിമാൻഡ് ചെയ്തു.
കാസർകോട് റേഞ്ച് അസി. എക്‌സൈസ് ഇൻസ്‌പെക്ടർ ജെ. ജോസഫിന്റെ നേതൃത്വത്തിലായിരുന്നു പരിശോധന. പ്രിവന്റീവ് ഓഫീസർ കെ.വി.മുരളി, സിവിൽ എക്‌സൈസ് ഓഫീസർമാരായ കെ.സതീശൻ, വി.വി.ഷിജിത്ത്, എം.വി. കൃഷ്ണപ്രിയ, പി.എ.ക്രിസ്റ്റിൻ, സൈബർസെല്ലിലെ പി.എസ്.പ്രിഷി എന്നിവരും പരിശോധനയിൽ പങ്കെടുത്തിരുന്നു.
