തിരുവനന്തപുരം : ജീവനക്കാരുടെ ക്ഷാമബത്ത കുടിശ്ശികയിൽ സർക്കാരിനോട് വിശദീകരണം ആവശ്യപ്പെട്ട് കേരള അഡ്മിനിസ്ട്രേറ്റീവ് ട്രൈബ്യൂണൽ. ക്ഷാമബത്ത കുടിശ്ശിക എന്നാണ് നൽകുക എന്ന് സർക്കാരിനോട് അഡ്മിനിസ്ട്രേറ്റീവ് ട്രൈബ്യൂണൽ ചോദിച്ചു.
2021 മുതലുള്ള ക്ഷാമബത്ത കുടിശ്ശികയാണ്. ഇത് എന്ന് നൽകുമെന്ന് രേഖാമൂലം വ്യക്തമാക്കണമെന്നും അഡ്മിനിസ്ട്രേറ്റീവ് ട്രൈബ്യൂണൽ ആവശ്യപ്പെട്ടു. ഡിസംബർ 11ന് മുൻപായി തന്നെ സർക്കാർ ഇക്കാര്യം അറിയിക്കണമെന്നും ട്രൈബ്യൂണൽ വ്യക്തമാക്കി.
സർക്കാരിന്റെ നിലവിലെ സാമ്പത്തിക സ്ഥിതിയോ സാമ്പത്തിക കാര്യങ്ങളിലെ നിയന്ത്രണമോ ജീവനക്കാരുടെ ക്ഷാമബത്ത നൽകുന്ന കാര്യത്തിൽ ബാധകമല്ലെന്നും ട്രൈബ്യൂണൽ ഓർമ്മിപ്പിച്ചു.
ഡിസംബർ 11നകം സർക്കാരിന്റെ രേഖാമൂലമുള്ള അറിയിപ്പ് ലഭിച്ചില്ലെങ്കിൽ ഹർജിയിൽ സ്വന്തം നിലയിൽ ഉത്തരവിടുമെന്നും അഡ്മിനിസ്ട്രേറ്റീവ് ട്രൈബ്യൂണൽ അറിയിച്ചു.
