ജയ്പൂർ; തിരഞ്ഞെടുപ്പിൽ രാജസ്ഥാനിൽ കോൺഗ്രസ് തന്നെ വീണ്ടും അധികാരം പിടിച്ചെടുക്കുമെന്ന് രാഹുൽ ഗാന്ധി. പാർട്ടി ഒറ്റക്കെട്ടാണ്. രാജസ്ഥാനിലെ മുഴുവൻ മണ്ഡലങ്ങളും തൂത്തുവാരുമെന്നും അദ്ദേഹം പറഞ്ഞു.
കാണുമ്പോൾ മാത്രമല്ല തങ്ങൾ ഒന്നിച്ചുള്ളത്. എപ്പോഴും കോൺഗ്രസ് ഒറ്റക്കെട്ടാണ്. ഒറ്റക്കെട്ടായി ഐക്യത്തോടെ തുടരും. വരാനിരിക്കുന്ന തിരഞ്ഞെടുപ്പിൽ കോൺഗ്രസ് തന്നെ അധികാരത്തിൽവരും. മുഴുവൻ മണ്ഡലങ്ങളും തൂത്തുവാരുമെന്നും രാഹുൽ കൂട്ടിച്ചേർത്തു.
തിരഞ്ഞെടുപ്പ് അടുത്തിരിക്കെ അശോക് ഗെഹ്ലോട്ട്- സച്ചിൻ പൈലറ്റ് വിഭാഗങ്ങൾ തമ്മിൽ ചില അസ്വാരസ്യങ്ങൾ ഉടലെടുത്തിട്ടുണ്ട്. ഇതിന്റെ പശ്ചാത്തലത്തിൽ ഇരുവരുമായി കൂടിക്കാഴ്ച നടത്താൻ എത്തിയതായിരുന്നു രാഹുൽ. ഇതിന് ശേഷമാണ് അദ്ദേഹത്തിന്റെ പ്രതികരണം. അശോക് ഗെഹ്ലോട്ടിന്റെയും സച്ചിൻ പൈലറ്റിന്റെയും സാന്നിദ്ധ്യത്തിൽ ആയിരുന്നു അദ്ദേഹത്തിന്റെ പരാമർശം.
