ചെന്നൈ: ഐസിസി വേൾഡ് കപ്പ് ഇന്ത്യ- ന്യൂസിലാന്റ് സെമി ഫൈനൽ മത്സരം നേരിട്ട് കണ്ടതിന്റെ അനുഭവം വിവരിച്ച് നടൻ രജനികാന്ത്. കളിയുടെ ഭാഗം ആശങ്കയുണ്ടാക്കി. ഇക്കുറി ഇന്ത്യ തന്നെ വേൾഡ് കപ്പ് സ്വന്തമാക്കുമെന്നും താരം പറഞ്ഞു.
‘ മത്സരത്തിന്റെ ആദ്യം എനിക്ക് വലിയ ആശങ്കയുണ്ടായിരുന്നു. ആദ്യത്തെ മൂന്ന് വിക്കറ്റ് പോകുന്നതുവരെ ആ ആശങ്ക തുടർന്നു. പക്ഷെ പിന്നെ ഉറപ്പിച്ച് കപ്പ് നമുക്ക് തന്നെയെന്ന്. കാരണം മുഹമ്മദ് ഷമി ഉണ്ടല്ലോ. ഇക്കുറി വേൾഡ് കപ്പ് നമ്മൾതന്നെ നേടും’- രജനികാന്ത് പ്രതികരിച്ചു.
ബുധനാഴ്ച ആയിരുന്നു ഇന്ത്യ- ന്യൂസിലാന്റ് സെമി ഫൈനൽ മത്സരം. മുംബൈയിലെ വാംഖഡെ സ്റ്റേഡിയത്തിലായിരുന്നു സെമി ഫൈനൽ നടന്നത്. ചെന്നൈയിലായിരുന്ന താരം ചൊവ്വാഴ്ച രാത്രി തന്നെ മുംബൈയിലേക്ക് തിരിച്ചിരുന്നു. മാച്ച് കാണാൻ പോകുന്നു എന്ന അടിക്കുറിപ്പോടെ മുംബൈയിലേക്ക് യാത്ര തിരിക്കുന്ന വിവരം അദ്ദേഹം തന്നെയാണ് സമൂഹമാദ്ധ്യമത്തിലൂടെ അറിയിച്ചത്.
