മനില: ഫിലിപ്പീൻസിൽ അതിശക്തമായ ഭൂചലനം. സുനാമി മുന്നറിയിപ്പ് പുറപ്പെടുവിച്ചു. മിണ്ട്‌നാവോയിൽ റിക്ടർ സ്‌കെയിലിൽ 7.5 തീവ്രത രേഖപ്പെടുത്തിയ ഭൂചലനം ആണ് ഉണ്ടായത്.
പ്രാദേശിയ സമയം രാത്രി 10.37 ഓട് കൂടിയായിരുന്നു ഭൂചലനം അനുഭവപ്പെട്ടത്. സംഭവത്തിൽ നാശനഷ്ടം ഉണ്ടായിട്ടുണ്ടെന്നാണ് സൂചന. ആളപായമോ നാശനഷ്ടമോ സംബന്ധിച്ച വിവരങ്ങൾ ഇതുവരെ പുറത്തുവന്നിട്ടില്ല. മിണ്ട്‌നാവോയിൽ 63 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രമെന്ന് അധികൃതർ അറിയിച്ചു. ഭൂചലനത്തിന്റെ പ്രകമ്പനം ജപ്പാനിലും അനുഭവപ്പെട്ടുവെന്നാണ് റിപ്പോർട്ടുകൾ.
മൂന്ന് അടിവരെ ഉയരത്തിൽ തിരമാലകൾ ഉയർന്നേക്കാമെന്നാണ് മുന്നറിയിപ്പ്. നാളെവരെ മുന്നറിയിപ്പ് തുടരും. ജാഗ്രത പാലിക്കണമെന്നും മുന്നറിയിപ്പുണ്ട്.
