കൊച്ചി: ആലുവ റെയിൽവേ സ്റ്റേഷനിൽ ബോംബ് ഭീഷണി. സ്റ്റേഷനിൽ ബോബുവെച്ചതായി പോലീസിന് അജ്ഞാത സന്ദേശം ലഭിക്കുകയായിരുന്നു.ഇതിന് പിന്നാലെ ആർ.പി.എഫും ഡോഗ് സ്ക്വാഡും ബോബ് സ്ക്വാഡും സ്റ്റേഷനിൽ പരിശോധന നടത്തി.
ഇന്നലെ രാത്രി വൈകിയോടെ ആലുവയിലെത്തിയിരിക്കുന്ന ട്രെയിനുകൾ പിടിച്ചിട്ട് പരിശോധിച്ചു. ഫോൺ കോൾ കേന്ദ്രീകരിച്ചുള്ള അന്വേഷണം ആരംഭിച്ചിട്ടുണ്ട്.
മുമ്പും ഇത്തരത്തിലുള്ള അജ്ഞാത ഫോൺകോളുകൾ വന്നിരുന്നെങ്കിലും ഭീഷണിയുണ്ടായിരുന്നില്ല. ഇത് ആരാണെന്ന് തിരിച്ചറിഞ്ഞിട്ടില്ല. സന്ദേശം എവിടെ നിന്നാണ് എത്തിയതെന്ന കാര്യത്തിൽ ഇതുവരെ വ്യക്തത വന്നിട്ടില്ല. ആരെങ്കിലും എന്തെങ്കിലും ഉദ്ദേശത്തിന്റെ പുറത്ത് ഇത്തരത്തിൽ ഫോൺ ചെയ്തതാകാമെന്നാണ് നിലവിൽ കരുതുന്നത്. എങ്കിലും വിശദമായ പരിശോധന തുടരുകയാണ്.
