ന്യൂഡൽഹി: ഫുട്ബോൾ കളിയിൽ കേമൻമാർ അർജന്റീനയും ബ്രസീലും ജർമ്മനിയും പോലുള്ള പാശ്ചാത്യരാജ്യങ്ങളാണെങ്കിലും ആരാധനയിൽ അത് ഇന്ത്യക്കാരാണ്. പ്രത്യേകിച്ച് മലയാളികൾ. ഓരോ ഫുട്ബോൾ മത്സരവും നെഞ്ചിലേറ്റിയാണ് മലയാളി ആരാധകർ കൊണ്ട് നടക്കുന്നത്. കഴിഞ്ഞ ലോകകപ്പ് കാണാനായി കടല് കടക്കാൻ വരെ മലയാളി തയ്യാറായി.
എന്നാൽ ഫുട്ബോളിനെ അത്രകണ്ട് ആരാധിക്കുന്നവർക്കായി ഒരു സന്തോഷവാർത്ത. 2034 ഫിഫ ലോകകപ്പ് ഫുട്ബോളിലെ ഏതാനും മത്സരങ്ങൾക്ക് ഇന്ത്യയും വേദിയാവുമെന്ന് സൂചന. 2034ലെ ഫിഫ ലോകകപ്പ് സൗദി അറേബ്യയിൽ നടക്കുമെന്ന് ഉറപ്പായതോടെയാണ് ചില മത്സരങ്ങൾ ഇന്ത്യയിൽ നടത്തുന്ന കാര്യം ആലോചിക്കണമെന്നു അഖിലേന്ത്യാ ഫുട്ബോൾ ഫെഡറേഷൻ (എഐഎഫ്എഫ്) പ്രസിഡന്റ് കല്യാൺ ചൗബേ എക്സിക്യുട്ടീവ് കമ്മിറ്റി അംഗങ്ങൾക്കു നിർദേശം നൽകിയതത്ര. ചില ദേശീയമാദ്ധ്യമങ്ങളാണ് ഇക്കാര്യം റിപ്പോർട്ട് ചെയ്യുന്നത്.
48 ടീമുകൾ അടങ്ങുന്ന 2034 ലോകകപ്പിൽ 104 മത്സരങ്ങൾ ഉണ്ടായിരിക്കും, അവയിൽ ചിലത് , അതായത് ഏകദേശം 10 മത്സരങ്ങൾ ഇന്ത്യയിൽ നടത്താമെന്നാണ് ആശയം. 2034-ലെ ലോകകപ്പിന്റെ സഹ-ആതിഥേയനാകാൻ ഇന്ത്യ ചിന്തിക്കുകയോ പ്രവർത്തിക്കുകയോ ചെയ്യണമെന്ന് പ്രസിഡന്റ് കല്യാൺ ചൗബെ അംഗങ്ങളോട് കൂടിയാലോചിച്ചതായാണ് തീരുമാനം.
ഇന്ത്യ സഹ ആതിഥേയനാകാൻ മുന്നോട്ട് വരുന്നത് സൗദി അംഗീകരിച്ചാൽ വലിയ നേട്ടമായിരിക്കും രാജ്യത്തിന് ലഭിക്കുക.
Discussion about this post