ചെന്നൈ: ഖേലോ ഇന്ത്യ യുത്ത് ഗെയിംസിന്റെ ഉദ്ഘാടന ചടങ്ങിലേക്ക് പ്രധാനമന്ത്രിയെ ക്ഷണിച്ച് തമിഴ്നാട് മന്ത്രിയും ഡിഎംകെ നേതാവുമായ ഉദയനിധി സ്റ്റാലിന്‍.ജനുവരി 19 ന് ചെന്നൈയിലെ ജവഹാര്‍ലാല്‍ നെഹ്രു സ്റ്റേഡിയത്തിലാണ് ചടങ്ങ് സംഘടിപ്പിക്കുന്നത്. 2023ലെ വിവിധ കായിക മത്സരങ്ങളുടെ ചിത്രങ്ങളും വിവരങ്ങളും അടങ്ങിയ പുസ്തകം പ്രധാനമന്ത്രിയ്ക്ക് കൈമാറുകയും ചെയ്തു.
യോഗത്തിലെ സംഭാഷണം തമിഴ്നാടിന്റെ പൊതു പ്രാധാന്യമുള്ള മറ്റ് വിഷയങ്ങളും ഉള്‍ക്കൊള്ളുന്നു. പ്രത്യേകിച്ചും കായികരംഗത്തിന്റെ ബഹുമുഖ വികസനത്തില്‍ ശ്രദ്ധ കേന്ദ്രീകരിച്ചായിരുന്നു എന്ന് സ്റ്റാലിന്‍ കൂട്ടിച്ചേര്‍ത്തു.തമിഴ്‌നാടിന് ദുരിതാശ്വാസ ഫണ്ട് അനുവദിക്കുമെന്ന് പ്രധാനമന്ത്രി നരേന്ദമോദി പറഞ്ഞു.മുഖ്യമന്ത്രി എംകെ സ്റ്റാലിന്‍ ഉന്നയിച്ച ആവശ്യങ്ങള്‍ നിറവേറ്റുമെന്ന് പ്രധാനമന്ത്രി ഉറപ്പുനല്‍കിയതായി തമിഴ്നാട് കായിക മന്ത്രി ഉദയനിധി സ്റ്റാലിന്‍ വ്യക്തമാക്കി. തലസ്ഥാനത്ത് പ്രധാനമന്ത്രിയുമായി ഉദയനിധി സ്റ്റാലിന്‍ കൂടികാഴ്ചനടത്തിയ ശേഷമാണ് ഇക്കാര്യം വ്യക്തമാക്കിയത്.ആവശ്യമായ നടപടികള്‍ സ്വീകരിക്കുമെന്ന് പ്രധാനമന്ത്രി മോദി ഉറപ്പുനല്‍കിയതായി സ്റ്റാലിന്‍ പങ്കുവെച്ചു.
