ന്യൂഡൽഹി:ഇന്ത്യക്ക് അമേരിക്കയുടെ ബാക്ക് ഓഫീസ് ആയിരുന്ന ഒരു കാലഘട്ടം ഉണ്ടായിരുന്നുവെങ്കിലും അത് കഴിഞ്ഞു പോയി എന്ന് വെളിപ്പെടുത്തി ഇന്ത്യയിലെ അമേരിക്കൻ സ്ഥാനപതി എറിക്ക് ഗ്രാസെറ്റി. ആരോഗ്യം, സാങ്കേതിക വിദ്യ തുടങ്ങിയ പല മേഖലകളിലും ഇന്ന് അമേരിക്ക പിന്തുടരുന്ന നേതാവാണ് ഇന്ത്യ, ദേശീയ വാർത്താ ഏജൻസിക്ക് കൊടുത്ത ഒരു വീഡിയോ അഭിമുഖത്തിൽ ഗ്രാസെറ്റി വ്യക്തമാക്കി.
എല്ലാവര്ക്കും അറിയുന്ന കാര്യങ്ങൾ ചെയ്യുന്ന ഒരു രാജ്യമല്ല ഇന്ന് ഇന്ത്യ, മറിച്ച് സാങ്കേതിക വിദ്യയുടെ കാര്യത്തിലായാലും, ആരോഗ്യ മേഖലയിൽ ആയാലും, സാമ്പത്തിക രംഗത്ത് ആയാലും വലിയ മുന്നേറ്റങ്ങൾ, പുതിയ കണ്ടുപിടുത്തങ്ങൾ നടത്താനാകുന്ന ഒരു രാജ്യമായി മാറിക്കഴിഞ്ഞിരിക്കുന്നു ഇന്ത്യ. അമേരിക്ക ഇന്ന് മുന്നിട്ടു നിൽക്കുന്ന, നയിക്കുന്ന പല മേഖലകളിലും ഞങ്ങളെ നയിക്കാൻ കെൽപ്പുള്ള ഒരു രാജ്യമായാണ് ഞങ്ങൾ ഇന്ന് ഇന്ത്യയെ നോക്കി കാണുന്നത് അദ്ദേഹം പറഞ്ഞു
ഇന്ന് ലോകത്ത് രണ്ട് തരം ശക്തികളുണ്ട് സ്വേച്ഛാധിപതികളും ജനാധിപത്യ വാദികളും . ഏറ്റവും വലിയ രണ്ട് ജനാധിപത്യ രാജ്യങ്ങളാണ് ഇന്ത്യയും അമേരിക്കയും. ആ നിലയിൽ സാഹചര്യം ആവശ്യപ്പെടുന്ന നിമിഷത്തിൽ ധാർമികത കൈമോശം വരാതെ എങ്ങനെ പ്രതികരിക്കാം എന്ന് ലോകത്തെ കാണിച്ചു കൊടുക്കാൻ കൊടുക്കാൻ കഴിയുന്ന രണ്ട് രാജ്യങ്ങളാണ് ഇന്ത്യയും അമേരിക്കയും, ”എറിക് ഗാർസെറ്റി പറഞ്ഞു.
