പ്രഷർ കുക്കറുകൾ നമ്മുടെ ഭക്ഷണം വേഗത്തിൽ തയ്യാറാക്കി നമ്മുടെ ജീവിതം എളുപ്പമാക്കിയെങ്കിലും പ്രഷർ കുക്കറിൽ ഒരിക്കലും പാകം ചെയ്യാൻ പാടില്ലാത്ത ചില ഭക്ഷണസാധനങ്ങളുണ്ട്. . സിഗ്‌നസ് ലക്ഷ്മി ഹോസ്പിറ്റലിലെ കൺസൾട്ടന്റ്-ജനറൽ ഫിസിഷ്യൻ ഡോ.സഞ്ജയ് സിംഗ് പറയുന്നതനുസരിച്ച്, പ്രഷർ കുക്കറുകൾ ഉപകാരപ്രദമായ അടുക്കള ഉപകരണങ്ങളാണെങ്കിലും, ചില ദക്ഷണപഥാർത്ഥങ്ങളുടെ തനത് രുചിയും ഗുണവും ഇത് നശിപ്പിക്കുമത്രേ.അതിനാൽ ഏതൊക്കെ ഭക്ഷണങ്ങളാണ് പ്രഷർ കുക്കറിൽ പാകം ചെയ്യാൻ പാടില്ലാത്തത് എന്ന് നോക്കാം.
ക്രിസ്പിയും ക്രഞ്ചിയും വറുത്തതുമായ ഭക്ഷണങ്ങൾ പ്രഷർ കുക്കറിൽ പാകം ചെയ്യുന്നത് ഒഴിവാക്കുന്നതാണ് നല്ലത്. കാരണം നിങ്ങൾ ഒരു തുറന്ന ലിഡ് ഉപയോഗിച്ച് പാചകം ചെയ്താൽ പോലും ഇത്തരം വിഭവങ്ങൾ പ്രതീക്ഷിക്കുന്നത് പോലെ ആയെന്ന് വരില്ല.ഡീപ്പ്-ഫ്രൈയിംഗിന് ശ്രദ്ധാപൂർവമായ താപനില നിയന്ത്രണം ആവശ്യമാണ്, പ്രഷർ കുക്കറുകൾ ഈ ആവശ്യത്തിനായി രൂപകൽപ്പന ചെയ്തിട്ടില്ല. ഡീപ് ഫ്രൈ ചെയ്യാനുള്ള പ്രഷർ കുക്കറിന്റെ അനുചിതമായ ഉപയോഗം എണ്ണ തെറിക്കുന്നതോ അമിതമായി ചൂടാകുന്നതോ പോലുള്ള അപകടങ്ങൾക്ക് ഇടയാക്കും, ഇത് പൊള്ളലിനും തീപിടുത്തത്തിനും സാധ്യതയുണ്ട്.
കുക്കറിന്റെ സേഫ്റ്റി വാൽവ് കൃത്യസമയത്തു തന്നെ മാറ്റുക അല്ലാത്തപക്ഷം അപകടങ്ങൾക്കു സാധ്യതയുണ്ട്. ഏതു കമ്പനിയുടെ പ്രഷർ കുക്കർ ആണോ ഉപയോഗിക്കുന്നത് അതേ കമ്പനിയുടെ തന്നെ സേഫ്റ്റി വാൽവ് വാങ്ങാൻ ശ്രദ്ധിക്കണം. പച്ചക്കറികൾ, പയറു വർഗങ്ങൾ, മാംസം എന്നിവ വെന്തതിനു ശേഷം അധികനേരം കുക്കറിൽ വയ്ക്കരുത്. അങ്ങനെ ചെയ്യുന്നത് ഭക്ഷണത്തിനു ചെറിയ രുചി വ്യത്യാസമുണ്ടാക്കും. മാത്രമല്ല, കുക്കറിനും നല്ലതല്ല. പ്രഷർ കുക്കറിന്റെ മുകൾ ഭാഗം വരെ വേവിക്കാനുള്ളവ നിറച്ചതിനു ശേഷം പാകം ചെയ്യുന്ന ശീലമുണ്ടെങ്കിൽ ഒഴിവാക്കാം. പകുതി ഭാഗം കാലിയാക്കി മാത്രം ആഹാരസാധനങ്ങൾ പാകം ചെയ്യാൻ ശ്രദ്ധിക്കുക. * കുക്കറിലെ ആവി പൂർണമായും പോയതിനു ശേഷം മാത്രം തുറക്കുക. അല്ലാത്തപക്ഷം പൊട്ടിത്തെറി പോലുള്ള അപകടങ്ങൾക്കു സാധ്യതയുണ്ട്. സമയമൊട്ടുമില്ല, എളുപ്പം കുക്കർ തുറക്കണമെന്നുണ്ടെങ്കിൽ തണുത്ത വെള്ളത്തിൽ ഇറക്കി വച്ചതിനു ശേഷമോ അടപ്പിനു മുകളിൽ വെള്ളമൊഴിച്ച് ആവി കളഞ്ഞതിനു ശേഷമോ തുറക്കാം.
അതിലോലമായ മത്സ്യങ്ങൾ, ചെമ്മീൻ, കക്കയിറച്ചി എന്നിവ ഒരു പ്രഷർ കുക്കറിൽ പാചകം ചെയ്യുന്നത് ഒഴിവാക്കുന്നതാണ് നല്ലത്. അതുപോലെ പാൽ അടിസ്ഥാനമാക്കിയുള്ള പലഹാരങ്ങളും സോസുകളും പാചകം ചെയ്യുമ്പോൾ അവയുടെ സത്തയും യഥാർത്ഥ രുചിയും ഘടനയും നഷ്ടപ്പെടും.പാലുൽപ്പന്നങ്ങൾക്ക് ഉയർന്ന മർദ്ദത്തിലും താപനിലയിലും ചുരുങ്ങാൻ കഴിയും. ഇത് രുചിയും ഘടനയും നശിപ്പിക്കുന്നു. അതിനാൽ സൂപ്പുകളോ പായസങ്ങളോ പ്രഷർ കുക്കറിൽ പാൽ ഉപയോഗിച്ച് പാകം ചെയ്യുന്നത് ഒഴിവാക്കുക. അത് പോലെ ചീര പോലുള്ള ഇലക്കറികൾ പാകം ചെയ്യാനും കുക്കർ ഉപയോഗിക്കാത്തതാണ് നല്ലത്.
കേക്കുകൾ, കുക്കീസ് അല്ലെങ്കിൽ മറ്റെന്തെങ്കിലും ബേക്കിംഗ് പ്രൊഡക്ടുകൾ കുക്കറിൽ പാചകം ചെയ്യരുതത്രേ.കാരണം പ്രഷർ കുക്കറുകൾ ഒരിക്കലും ബേക്കിംഗിന് ഉള്ളതല്ല. മാത്രമല്ല കുക്കറിൽ ഇവ തയ്യാറാക്കുമ്പോൾ രുചിയിലും വലിയ മാറ്റങ്ങളാണ് ഉണ്ടാകുക.
മുട്ടകൾ പോലുള്ള തോടുള്ള ഭക്ഷണങ്ങൾ കുക്കറിൽ തയ്യാറാക്കുന്നത് അപകടം ക്ഷണിച്ചുവരുത്തിയേക്കും. കാരണം കുക്കറിലെ പ്രഷർ കാരണം മുട്ടയുടെ തോട് പെട്ടെന്ന് പൊട്ടപ്പോകാനും മറ്റ് ബുദ്ധിമുട്ടുകൾക്കും വഴിവെച്ചേക്കും.
