തിരുവനന്തപുരം: സംസ്ഥാനത്ത് വീണ്ടും സ്വർണ വിലയിൽ കുതിപ്പ്. ഒറ്റയടിക്ക് കുതിച്ചുയുർന്നത് 680 രൂപയാണ്. ഇതോടെ ഒരു പവൻ സ്വർണത്തിന് 47,000 രൂപയായി. ഇന്നലെയും സ്വർണത്തിന് വില ഉയർന്നിരുന്നു. 240 രൂപ കൂടി 46,320 രൂപയായിരുന്നു.
5875 രൂപയാണ് ഒരു ഗ്രാം സ്വർണത്തിന്റെ വില. ഗ്രാമിന് ഇന്ന് 85 രൂപയുടെ വർദ്ധനവാണ് ഉണ്ടായിട്ടുള്ളത്. ഫെബ്രുവരിയിലെ അവസാന ദിനങ്ങളിൽ സ്വർണവില ഉയർന്നിരുന്നില്ല . എന്നാൽ മാർച്ചിന്റെ ആരംഭം മുതൽ സ്വർണവില കുതിക്കുകയായിരുന്നു.
വെള്ളിയുടെ വിലയും ഉയർന്നിട്ടുണ്ട്. ഒരു ഗ്രാം സാധാരണ വെള്ളിയുടെ വില ഒരു രൂപയാണ് ഇന്ന് വർദ്ധിച്ചത്. ഇതോടെ ഗ്രാമിന് വിപണി വില 77 രൂപയായി. അതേസമയം ഹാൾമാർക്ക് വെള്ളിയുടെ വിലയിൽ മാറ്റമില്ല. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.
