തീരെ ഒഴിവാക്കരുത് എന്ന് പറയുന്നത് പ്രഭാത ഭക്ഷണമാണ്. അത്രയും പ്രധാന്യമാണ് പ്രഭാതഭക്ഷണത്തിനുള്ളത്. എന്നാൽ ഭക്ഷണം ഒഴിവാക്കരുത് എന്ന് പറയുമ്പോൾ മിക്കവരും ചെയ്യുന്നത് എതെങ്കിലും ഭക്ഷണം കഴിക്കുകയാണ് ചെയ്യുക. എന്തെങ്കിലുമൊക്കെ കഴിച്ചും കുടിച്ചും ദിവസം തുടങ്ങുന്നത് ആരോഗ്യത്തെ പ്രതികൂലമായി ബാധിക്കും എന്നാണ് ആരോഗ്യവിദഗ്ധർ പറയുന്നത്.
വെറും വയറ്റിൽ കഴിക്കാൻ പാടില്ലാത്ത ഭക്ഷണങ്ങൾ
1. കാപ്പി
രാവിലെ ഉറക്കം ഉണർന്നാൽ കാപ്പി കുടിക്കുന്നവരായിരിക്കും മിക്ക ആളുകളും. എന്നാൽ ഇങ്ങനെ കുടിക്കാൻ പാടില്ല . വെറും വയറ്റിൽ കാപ്പി കുടിക്കുന്നത് വയറ്റിൽ അസിഡിറ്റി ഉണ്ടാക്കും. നെഞ്ചെരിച്ചിലിനും ദഹനക്കേടിനും ഇത് കാരണമാകും
2. മധുരപലഹാരങ്ങൾ
അതിരാവിലെ വെറും വയറ്റിൽ മധുരപലഹാരങ്ങൾ കഴിക്കുന്നതിലൂടെ രക്തത്തിൽ പഞ്ചസാരയുടെ അളവു ഉയരാൻ കാരണമാകും. ഇതിലൂടെ ശരീരത്തിന് ക്ഷീണം തോന്നുകയും ചെയ്യും.
3. പച്ചക്കറി പച്ചയ്ക്ക് കഴിക്കുന്നത്
ശരീരത്തിന് ഏറ്റവും നല്ലത് പച്ചക്കറി ആണെന്നാണ് പറയുന്നത്. പോഷകഗുണങ്ങൾ കൂടുതൽ ലഭിക്കാൻ ചിലവരെല്ലാം വെറും വയറ്റിൽ ക്യാരറ്റും ബീറ്റ്റൂട്ടുമൊക്കെ കഴിക്കാറുണ്ട്. എന്നാൽ ഇങ്ങനെ കഴിക്കുന്നതിലൂടെ ഗുണത്തേക്കാളുപരി ദോഷമാണ് ശരീരത്തിന് ലഭിക്കുക. വെറും വയറ്റിൽ ഇവ ദഹിക്കാൻ പ്രയാസമായിരിക്കും. അതുകൊണ്ട് വയറു വേദന അനുഭവപ്പെടാൻ സാധ്യതയുണ്ട്.
4. മസാല കൂടിയ ഭക്ഷണങ്ങൾ
വെറും വയറ്റിൽ എരിവും മസാലയും കൂടിയ ഭക്ഷണങ്ങൾ വെറും വയറ്റിൽ കഴിക്കുന്നതിലൂടെ വയറിൽ അസ്വസ്ഥതകളുണ്ടാക്കും.
5. സോഡ, സ്പ്രിന്റ് പോലുള്ള ഡ്രിങ്ക്സ്
സോഡ, സ്പ്രിന്റ്റ് , തുടങ്ങിയവ പാനീയങ്ങൾ രാവിലെ വെറും വയറ്റിൽ കുടിക്കുന്നത് വയറ്റിൽ ഗ്യാസ് ഉണ്ടാക്കാനിടിയുണ്ട്. കൂടാതെ അധിക അളവിലുള്ള മധുരം രക്തത്തിലെ പഞ്ചസാരയുടെ അളവ് കൂട്ടുകയും ചെയ്യുന്നു.
6. പഴങ്ങൾ
ഓറഞ്ച്, നാരങ്ങ തുടങ്ങിയ സ്ട്രിസ് പഴങ്ങൾ രാവിലെ വെറും വയറ്റിൽ കഴിക്കുന്നത് അസിഡിറ്റി ഉണ്ടാക്കുന്നു.
