തൃശൂർ: അതിരപ്പിള്ളി വനവാസി ഊരിൽ പ്രായപൂർത്തിയാകാത്ത പെൺകുട്ടിയെ മദ്യംനൽകി പീഡിപ്പിച്ചു.മൂന്നുപേർ ചേർന്ന് 16 വയസുകാരിയെ പീഡിപ്പിച്ചെന്നാണ് പരാതി. പ്രതികളിൽ ഒരാളെ പെൺകുട്ടി തിരിച്ചറിഞ്ഞിട്ടുണ്ട്. ഒപ്പമുണ്ടായിരുന്ന രണ്ടുപേർ ആരെന്ന് വ്യക്തമായിട്ടില്ല.
വനിതാദിനമായ വെള്ളിയാഴ്ച ഉച്ചയ്ക്ക് രണ്ടര മണിയോടെയാണ് സംഭവം. കുട്ടി താമസിക്കുന്ന ഊരിനടുത്തുള്ള പാറയ്ക്കു സമീപമാണ് സംഭവം നടന്നത്. പരിചയമുള്ള ഒരാൾ പാറയുടെ അടുത്തേക്ക് കൊണ്ടുപോയി ബലമായി മദ്യം നൽകി പീഡിപ്പിക്കുകയായിരുന്നുവെന്നാണ് പരാതി. ഇയാൾക്കൊപ്പമുണ്ടായിരുന്ന മറ്റു രണ്ടുപേരും പീഡനത്തിനിരയാക്കി.
രക്ഷിതാക്കളും ബന്ധുക്കളും നടത്തിയ തിരച്ചിലിലാണ് പൂർണ നഗ്നയായി അവശനിലയിൽ കിടക്കുന്ന കുട്ടിയെ കണ്ടെത്തിയത്. തുടർന്ന് ഇവർ മലക്കപ്പാറ പോലീസിനെ വിവരമറിയിക്കുകായിരുന്നു.
Discussion about this post