തെന്നിന്ത്യൻ സിനിമാലോകത്ത് ഏറ്റവും കൂടുതൽ ആരാധകരുള്ള രണ്ട് ലേഡി സൂപ്പർസ്റ്റാറുകളാണ് മഞ്ജു വാര്യരും, നയൻതാരയും. സിനിമാലോകത്ത് അവരുടെതായ കഴിവുകൾ കൊണ്ട് സ്ഥാനം പിടിച്ചവരാണ് ഇരുവരും. കൂടാതെ രണ്ട് പേരും നല്ല സുഹൃത്തുകളുമാണ്. ഇപ്പോഴിതാ വനിതാ ദിനത്തോട് അനുബന്ധിച്ച് സോഷ്യൽ മീഡിയയിൽ മഞ്ജു വാര്യർ പങ്കുവെച്ച ചിത്രങ്ങളാണ് വൈറലാവുന്നത്.
എല്ലാവരുടെയും ഉള്ളിൽ ഒരു വണ്ടർ വുമൺ ഉണ്ടാകും. എന്റെ തൊട്ടടുത്തും ഒരു വണ്ടർ വുമൺ ഇരിപ്പുണ്ട്. ഒരുപാട് സ്‌നേഹം എന്റെ സൂപ്പർസ്റ്റാറിന്’- എന്ന കുറിപ്പോടെയാണ് മഞ്ജു നയൻതാരയ്‌ക്കൊപ്പമുള്ള ചിത്രം പങ്കിട്ടത്.
ഇരുവരുടെയും അടിപോളി ലുക്കിലുള്ള ചിത്രങ്ങളാണ് സോഷ്യൽ മീഡിയയിൽ നിറഞ്ഞ് നിൽക്കുന്നത്. മഞ്ഞ ഡ്രെസിലാണ് മഞ്ജുവാര്യർ. വെള്ള നിറത്തോടുള്ള ഡ്രെസാണ് നയൻതാര ധരിച്ചിരിക്കുന്നത്. നിമിഷ നേരം കൊണ്ട് തന്നെ ചിത്രം ആരാധകർ ഏറ്റെടുത്തു കഴിഞ്ഞു. ഇരുവരും എന്നാണ് ഒരുമിച്ച് സിനിമ ചെയ്യുന്നത്, രണ്ട് സുപ്പർ സ്റ്റാറുകൾ ഒരു ഫ്രെയിമിൽ ,വനിതാ ദിന ആശംസകൾ എന്നിങ്ങനെയുള്ള നിരവധി കമ്മറ്റുകളാണ് ആരാധകർ പോസ്റ്റിന് താഴെ കുറിച്ചിരിക്കുന്നത്.
