ഗിരീഷ് എഡി സംവിധാനം ചെയ്ത പ്രേമലു തിയേറ്ററുകളിൽ വൻ വിജയമാണ് സൃഷ്ടിച്ചത്. ഫെബ്രുവരി 9 ന് റിലീസ് ചെയ്യപ്പെട്ട ചിത്രം ആദ്യദിനം തന്നെ പ്രേക്ഷകരിൽ നിന്ന് മികച്ച അഭിപ്രായമാണ് സ്വന്തമാക്കിയത്. ഇപ്പോളിതാ പ്രേമലു സിനിമയുടെ ഒടിടി റിലീസ് പ്രഖ്യാപിച്ചിരിക്കുകയാണ്.
ഡിസ്‌നി പ്ലസ് ഹോട്സ്റ്റാറിലൂടെയാണ് പ്രേമലു ഒടിടിയിൽ പ്രദർശനത്തിനെത്തുക . ഏപ്രിൽ പന്ത്രണ്ടിനായിരിക്കും ചിത്രം ഒടിടിയിൽ പ്രദർശനത്തിന് എത്തുക എന്നാണ് വിവരം. ഒടിടി റിലീസും പ്രഖ്യാപിച്ചുവെങ്കിലും പ്രേമലുവിന് തിയറ്ററിൽ വൻ സ്വീകാര്യതയാണ് ഇപ്പോഴും ലഭിക്കുന്നത് .
അതേസമയം ചിത്രത്തിന് ആഗോളതലത്തിൽ ആകെ 130 കോടിയിൽ അധികം നേടാൻ കഴിഞ്ഞിട്ടുണ്ടെന്നാണ് റിപ്പോർട്ട്. മൂന്ന് കോടി ബജറ്റിലൊരുങ്ങിയ ചിത്രത്തിന് ലഭിക്കാവുന്നതിൽ വെച്ച് ഏറ്റവും മികച്ച അംഗീകാരമാണിത്. നസ്ലിനും മമിതയും പ്രധാന കഥാപാത്രങ്ങളായ ചിത്രം രാജ്യത്തെ യുവ പ്രേക്ഷകരുടെ ശ്രദ്ധയാകർഷിച്ചുവെന്നാണ് കളക്ഷനിൽ നിന്ന് മനസിലാകുന്നത്. ശ്യാം മോഹൻ, അഖില ഭാർഗവൻ, സംഗീത് പ്രതാപ്, മീനാക്ഷി രവീന്ദ്രൻ എന്നിവരും ചിത്രത്തിൽ നസ്ലിനും മമിതയയ്ക്കുമൊപ്പം പ്രധാന വേഷത്തിലുണ്ടായിരുന്നു. ഛായാഗ്രാഹണം നിർവഹിച്ചിരിക്കുന്നത് അജ്മൽ സാബുവാണ്.
