തിരുവനന്തപുരം: സംസ്ഥാനത്ത് ഡ്രൈവിംഗ് ടെസ്റ്റുകള് പൂര്ണമായി ഇന്നുമുതല് പുനരാരംഭിക്കും. ഗതാഗത മന്ത്രി കെ ബി ഗണേഷ്കുമാര് ഇന്നലെ ഡ്രൈവിംഗ് സ്കൂള് സംഘടനകളുമായി ചര്ച്ച നടത്തിയിരുന്നു. ഇതിന് പിന്നാലെയാണ് തീരുമാനം.
ഡ്രൈവിംഗ് പരിഷ്കരണ സര്ക്കുലറില് തൊഴിലാളികളുടെ ആവശ്യപ്രകാരമുള്ള പ്രായോഗിക മാറ്റങ്ങള് വരുത്തുമെന്ന് മന്ത്രി ഉറപ്പു നല്കി. ഇതോടെയാണ് സമരത്തില് നിന്ന് പിന്മാറാനുള്ള തീരുമാനത്തില് സംയുക്ത സമരസമിതി എത്തിയത്.
ടെസ്റ്റ് പരിഷ്കരിച്ചുകൊണ്ടുള്ള സര്ക്കുലര് പിന്വലിക്കില്ല. എന്നാല് ജീവനക്കാരുടെ നിര്ദ്ദേശങ്ങള് പരിഗണിച്ച് നിരവധി മാറ്റങ്ങള് വരുത്തുമെന്ന് ഗതാഗതമന്ത്രി അറിയിച്ചിട്ടുണ്ട്. അതേസമയം, എം80 വാഹനം ഉപയോഗിക്കാന് കഴിയില്ല എന്ന കാര്യത്തിലും കാറുകളില് ക്യാമറ സ്ഥാപിക്കുന്ന കാര്യത്തിലും വിട്ടുവീഴ്ച ഇല്ല.
പുതിയ പരിഷ്കരണങ്ങള്ക്കെതിരെ ഈ മാസം രണ്ടിന് ആണ് സമരം ആരംഭിച്ചത്. ബഹിഷ്കരണം കാരണം നടക്കാതെ പോയ ടെസ്റ്റുകള് നടത്തുന്നതില് ഉചിതമായ തീരുമാനം ഉടന് ഉണ്ടാകുമെന്ന് ഗതാഗത മന്ത്രി അറിയിച്ചു.
Discussion about this post