സംസ്ഥാനത്തെ പച്ചക്കറിയുടെയും മീനന്റെയും വില റോക്കറ്റ് കുതിക്കുന്നത് പോലെയാണ് ഉയരുന്നത്. ഒരു മീൻ കറിയോ ഫ്രൈയോ ഇല്ലാതെ ഉച്ചയ്ക്ക് ചോറുണ്ണാൻ കഴിയാത്തവരാണ് ആകെ പെട്ടിരിക്കുന്നത്. കിലോയ്ക്ക് 200 ഉം മൂന്നൂറും നാന്നൂറും മത്സ്യത്തിന് രൂപയാണ് വില. ഈ സാഹചര്യത്തിൽ കിലോയ്ക്ക് കൂടിയാൽ 80 രൂപ വരെ പോകുന്ന ചേന വച്ച് ഒരടി പൊളി ഫ്രൈ ഉണ്ടാക്കി നോക്കിയാലോ. മീൻ വറുത്തത് പോലും മാറി നിൽക്കുന്ന ഈ വിഭവം ഉണ്ടാക്കുന്നത് എങ്ങനെയെന്ന് നോക്കാം
ചേന നന്നായി വൃത്തിയാക്കി തൊലി കളഞ്ഞത് 200 ഗ്രാം കനം കുറച്ച് നീളത്തിൽ അരിഞ്ഞത്. മുളകുപൊടി രണ്ട് സ്പൂൺ, ഉപ്പ് ആവശ്യത്തിന്, പച്ചമുളക് രണ്ടെണ്ണം, വെളുത്തുള്ളി ഇഞ്ചി പേസ്റ്റ് ഒന്നരസ്പൂൺ,അൽപ്പം കുരുമുളക് പൊടി ഇവ ചേർത്ത് നന്നായി ചേനയിൽ തേച്ച് പിടിപ്പിച്ച് അരമമണിക്കൂർ വയ്ക്കുക. ശേഷം നന്നായി തിളച്ച എണ്ണയിലിൽ തിരിച്ചും മറിച്ചും മീൻ വറുക്കുന്നത് പോലെ വറുത്ത് കോരാം കുറച്ച് കറിവേപ്പില കൂടി ഇട്ടാൽ കേമം.( ചേനയിൽ പുരട്ടുന്ന അരപ്പിലേക്ക് കോഴിമുട്ടയും കടലമാവും ചേർത്താൽ കൂടുതൽ രുചികരം ആവും.)
എന്നാൽ വേഗമാകട്ടെ പരീക്ഷിച്ചുനോക്കൂ..
