കോവളം: വാഹന പരിശോധനയ്ക്കിടെ പോലീസിൽ നിന്നും രക്ഷപ്പെടാൻ ശ്രമിച്ച ദമ്പതിമാരിൽനിന്ന് പിടിച്ചെടുത്തത് പന്ത്രണ്ടര കിലോ കഞ്ചാവ്. സംഭവത്തിൽ ഉണ്ണിക്കൃഷ്ണന്‍(39), ഇയാളുടെ ഭാര്യ അശ്വതി(35) എന്നിവരെ കോവളം പോലീസ് അറസ്റ്റുചെയ്തു.
വാഹന പരിശോധനയ്ക്കിടെ പോലീസ് കൈകാണിച്ചപ്പോള്‍ ദമ്പതിമാർ സ്കൂട്ടർ നിര്‍ത്താതെ പോകുകയായിരുന്നു. സംശയം തോന്നിയ പോലീസ് ഇവരെ പിന്തുടർന്ന് പിടികൂടിയപ്പോഴാണ് ഇവരുടെ പക്കല്‍നിന്ന് പന്ത്രണ്ടര കിലോ കഞ്ചാവ് നിറച്ച ബാഗ് കണ്ടെടുത്തത്. സ്‌കൂട്ടറും ബാഗിലെ കഞ്ചാവും പോലീസ് കസ്റ്റഡിയിലെടുത്തു.
