തിരുവനന്തപുരം: ബംഗാള് ഉള്ക്കടലില് പുതിയ ന്യൂനമര്ദ്ദം രൂപപ്പെടാന് സാധ്യതയുള്ളതായി കാലാവസ്ഥാ വകുപ്പ്. വ്യാഴാഴ്ചയോടെ ആയിരിക്കും പുതിയ ന്യൂനമര്ദ്ദം രൂപപ്പെടാൻ സാധ്യതയുള്ളത്. ഇതിന്റെ സ്വാധീനഫലമായി വ്യാഴാഴ്ച മുതല് വടക്കന് കേരളത്തില് ശക്തമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകുന്നത്.
ഈ ആഴ്ചയിൽ തിങ്കൾ മുതൽ ബുധൻ വരെ കണ്ണൂർ, കാസർകോഡ് ജില്ലകളിൽ മാത്രമാണ് യെല്ലോ അലർട്ട് പ്രഖ്യാപിച്ചിട്ടുള്ളത്. എന്നാൽ വ്യാഴാഴ്ച മുതൽ
ശക്തമായ മഴയ്ക്ക് സാധ്യതയുള്ളതിനാൽ അഞ്ച് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. വ്യാഴം, വെള്ളി ദിവസങ്ങളിൽ മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
നിലവില് അതി തീവ്രന്യൂനമര്ദ്ദം കിഴക്കന് രാജസ്ഥാന് മുകളില് സ്ഥിതിചെയ്യുകയാണ്. തെക്കന് രാജസ്ഥാന്- ഗുജറാത്ത് മേഖലയിലേക്ക് സഞ്ചരിച്ച് വ്യാഴാഴ്ചയോടെ സൗരാഷ്ട്ര കച്ച് തീരത്തിനു സമീപം വടക്ക് കിഴക്കന് അറബിക്കടലില് എത്തിച്ചേരാനാണ് സാധ്യതയുള്ളതെന്നാണ് കാലാവസ്ഥ വകുപ്പ് അറിയിക്കുന്നത്. പശ്ചിമ ബംഗാളിന് മുകളിലായി മറ്റൊരു ന്യൂനമർദ്ദവും സ്ഥിതിചെയ്യുന്നുണ്ട്. ഇതോടൊപ്പം വടക്കന് കേരള തീരം മുതല് തെക്കന് ഗുജറാത്ത് തീരം വരെ ന്യുനമര്ദ്ദപാത്തിയും സ്ഥിതിചെയ്യുന്നുണ്ട്.
Discussion about this post