തിരുവനന്തപുരം : സംസ്ഥാനത്ത് പലയിടങ്ങളിലായി നാളെ സൈറൺ മുഴങ്ങും. ദുരന്ത നിവാരണ അതോറിറ്റി സ്ഥാപിച്ചിട്ടുള്ള 91 സൈറണുകളാണ് നാളെ മുഴങ്ങുക. പ്രവർത്തന പരീക്ഷണമാണ് ഒക്ടോബർ ഒന്നിന് നടക്കുക.
വിവിധ ജില്ലകളിൽ സൈറണുകൾ സ്ഥാപിച്ചിട്ടുള്ള സ്ഥലങ്ങളുടെ വിവരങ്ങളും വിശദാംശങ്ങളും അവയുടെ പരീക്ഷണം നടത്തുന്ന സമയവും ദുരന്ത നിവാരണ അതോറിറ്റി പുറത്തുവിട്ടിട്ടുണ്ട്. രാവിലെയും വൈകുന്നേരവുമാണ് സൈറണുകളുടെ പരീക്ഷണം നടക്കുക എന്നാണ് മുന്നറിയിപ്പ് .
പ്രകൃതി ദുരന്തങ്ങൾ സാഹചര്യത്തിൽ മുന്നറിയിപ്പ് നൽകാനാണ് കവചം എന്ന പേരിൽ സംസ്ഥാന ദുരന്ത നിവാരണ അതോറിറ്റി സൈറണുകൾ സ്ഥാപിച്ചിരിക്കുന്നതിന്റെ ലക്ഷ്യം. പരീക്ഷണമായതിനാൽസൈറണുകൾ മുഴങ്ങുമ്പോൾ ജനങ്ങൾ പരിഭ്രാന്തരാകേണ്ടതില്ലെന്ന് സംസ്ഥാന ദുരന്ത നിവാരണ അതോറിറ്റി ഓഫീസ് അറിയിച്ചു.
Discussion about this post