തൃശൂര്: കടലിൽ കുളിക്കുന്നതിനിടെ അപസ്മാരമുണ്ടായതിനെ തുടർന്ന് വിദ്യാർത്ഥി കുഴഞ്ഞുവീണു. സംഭവം നടന്ന ഉടനെ കൂട്ടുകാര് സമയോചിതമായി ഇടപെട്ടതിനെ തുടര്ന്ന് വലിയ അപകടം ഒഴിവായി. ഇന്ന് ഉച്ചയ്ക് തൃശൂര് ചാവക്കാട് കടലില് ആണ് സംഭവം.
കോയമ്പത്തൂർ ഭാരതി ഹയർസെക്കന്ഡറി സ്കൂളിലെ പ്ലസ്ടു വിദ്യാർത്ഥി വി.എസ് ഗോകുലിനാണ് അപസ്മാരമുണ്ടായത്. കൂട്ടുകാര്ക്കൊപ്പമാണ് ഗോകുല് കടലിൽ കുളിക്കാനെത്തിയത്.
കടലിൽ കുഴഞ്ഞുവീണ ഗോകുൽ അബോധാവസ്ഥയിലാവു യായിരുന്നു. ഇതോടെ, സ്ഥലത്തുണ്ടായിരുന്ന സഹപാഠികളായ വിദ്യാർത്ഥികൾ ഗോകുലിനെ കരയ്ക്ക് എത്തിച്ച് സിപിആർ നൽകി. പിന്നീട് ചാവക്കാട് ഹയാത്ത് ആശുപത്രിയിൽ എത്തിച്ചു ചികിത്സ നൽകി വിട്ടയക്കുകയായിരുന്നു.
