ബംഗളൂരു: തെലുങ്ക് നടൻ നാഗചെെതന്യയുടെയും നടി ശോഭിത ധുലീപാലയുടെയും വിവാഹം കഴിഞ്ഞ ദിവസമാണ് നടന്നത്. അക്കിനേനി കുടുംബത്തിന്റെ ഉടമസ്ഥതയിലുള്ള ഹെെദരാബാദിലെ അന്ന പൂർണ സ്റ്റുഡിയോയിൽ രാത്രി 8.15നായിരുന്നു വിവാഹം. വിവാഹത്തിന്റെ ചിത്രങ്ങൾ നടനും വരന്റെ പിതാവുമായ നാഗാർജുന പങ്കുവച്ചിരുന്നു. മണ്ഡപത്തിൽ സ്വർണനിറത്തിലുള്ള പാട്ടുസാരി ധരിച്ച് ഇരിക്കുന്ന ശോഭിതയുടെയും പരമ്പരാഗത വിവാഹവസ്ത്രം ധരിച്ചിരിക്കുന്ന നാഗചെെതന്യയുടെയും ചിത്രങ്ങൾ സോഷ്യൽ മീഡിയയിൽ വെെറലാണ്. അല്ലു അര്‍ജുന്‍, മഹേഷ് ബാബു തുടങ്ങി നിരവധി താരങ്ങള്‍ വിവാഹത്തില്‍ പങ്കെടുത്തിരുന്നു.
ഇതിനിടെ നാഗചെെതന്യയുടെ മുന്‍ ഭാര്യയും നടിയുമായ സമാന്ത സോഷ്യൽ മീഡിയയില്‍ പങ്കുവച്ച ഒരു ഇന്‍സ്റ്റഗ്രാം സ്റ്റോറിയാണ് ചർച്ചയാവുന്നത്. ദ റൂസോ ബ്രദേഴ്സിന്റെ സ്റ്റോറിയാണ് സാമന്ത പങ്കുവച്ചിരിക്കുന്നത്. രാജ് ആൻഡ് ഡികെയ്‌ക്കൊപ്പം ‘ഡിറ്റാഡൽ ഹണി ബണ്ണി’ എന്ന സീരിസിൽ പ്രവൃത്തിക്കാൻ കഴിഞ്ഞതിൽ അഭിമാനം ഉണ്ടെന്ന് പറഞ്ഞാണ് സമാന്ത റൂസോ ബ്രദേഴ്സ് സ്റ്റോറി പങ്കുവച്ചിരിക്കുന്നത്. ഡിറ്റാഡൽ ഹണി ബണ്ണി’യില്‍ സാമന്തയാണ് നായിക.
നാഗചെെതന്യയുടെ വിവാഹവുമായി ബന്ധപ്പെട്ട കാര്യങ്ങളിലല്ല നടിയുടെ ശ്രദ്ധയെന്നും തന്റെ ജോലിയ്ക്കാണ് താരം ഇപ്പോൾ ശ്രദ്ധ കൊടുക്കുന്നതെന്നുമാണ് ഈ സ്റ്റോറി സൂചിപ്പിക്കുന്നതെന്ന് ആരാധകർ അഭിപ്രായപ്പെടുന്നു. വാട്ട് എ ജേർണി’ എന്നാണ് റൂസോ ബ്രദേഴ്സ് സ്റ്റോറിയിൽ ആദ്യം കുറിച്ചിരിക്കുന്നത്.
