ബാങ്ക് അക്കൗണ്ടില്‍ പണമിട്ടിട്ട് പിന്നീട് അത് മറന്നുപോയാലോ. ഇങ്ങനെയുള്ളവയാണ് ക്ലെയിം ചെയ്യപ്പെടാത്ത നിക്ഷേപങ്ങള്‍. ഇത് എന്നെങ്കിലും ഓര്‍ത്തെടുത്താല്‍ തിരിച്ചുപിടിക്കാന്‍ എന്തുചെയ്യണം എന്നറിയാമോ.
ആര്‍ബിഐയുടെ കണക്കനുസരിച്ച്, 2024 മാര്‍ച്ച് വരെ രാജ്യത്തുടനീളമുള്ള വിവിധ ബാങ്കുകളില്‍ ഇങ്ങനെയുള്ള 78,213 കോടി രൂപയുടെ ക്ലെയിം ചെയ്യപ്പെടാത്ത നിക്ഷേപങ്ങള്‍ ഉണ്ട്. ഇങ്ങനെ ക്ലെയിം ചെയ്യാത്ത പണം തേടിപിടിക്കാന്‍ ആര്‍ബിഐ ഒരു വഴി കണ്ടെത്തിയിട്ടുണ്ട്. അതാണ് ഉദ്ഗം പോര്‍ട്ടല്‍. നിലവില്‍, രാജ്യത്തെ ഭ ബി ബി 30 ബാങ്കുകള്‍ പോര്‍ട്ടലിന്റെ ഭാഗമാണ്
നിക്ഷേപം എങ്ങനെയാണ് ക്ലെയിം ചെയ്യപ്പെടാത്തത് എന്ന് ആദ്യം മനസ്സിലാക്കണം. 10 വര്‍ഷമായി പ്രവര്‍ത്തിപ്പിക്കാത്ത ഏതെങ്കിലും സേവിംഗ്സ് അല്ലെങ്കില്‍ കറന്റ് അക്കൗണ്ടിലെ ബാലന്‍സ്, അല്ലെങ്കില്‍ 10 വര്‍ഷത്തിലേറെയായി മെച്യൂരിറ്റി തീയതി കടന്ന സ്ഥിരനിക്ഷേപങ്ങള്‍ ആണ് അവകാശികളില്ലാത്ത നിക്ഷേപമായി കണക്കാക്കുന്നത്.
ക്ലെയിം ചെയ്യപ്പെടാത്ത ഈ നിക്ഷേപത്തിന്റെ വിവരങ്ങള്‍ നിക്ഷേപകര്‍ക്ക് ആര്‍ബിഐയുടെ ഉദ്ഗം (അണ്‍ക്ലെയിംഡ് ഡെപ്പോസിറ്റ്സ് ഗേറ്റ്വേ ടു ആക്സസ് ഇന്‍ഫര്‍മേഷന്‍) പോര്‍ട്ടലില്‍ തിരയാവുന്നതാണ്.
ക്ലെയിം ചെയ്യാത്ത നിക്ഷേപങ്ങളുമായി ബന്ധപ്പെട്ട വിവരങ്ങള്‍ എങ്ങനെ ലഭിക്കും?
1. ആദ്യം വെബ്‌സൈറ്റില്‍ ലോഗിന്‍ ചെയ്യണം.മൊബൈല്‍ നമ്പര്‍, പേരിന്റെ ആദ്യഭാഗം, അവസാന നാമം, പാസ്വേഡ്, ക്യാപ്ച തുടങ്ങിയ നിക്ഷേപകന്റെ വിശദാംശങ്ങള്‍ നല്‍കി പേര് രജിസ്റ്റര്‍ ചെയ്യുക.
2. രജിസ്‌ട്രേഷന്‍ പ്രക്രിയ പൂര്‍ത്തിയായിക്കഴിഞ്ഞാല്‍, മുകളില്‍ നല്‍കിയിരിക്കുന്ന വിശദാംശങ്ങള്‍ ഉപയോഗിച്ച് ലോഗിന്‍ ചെയ്യാനും 30 ബാങ്കുകളിലെ ക്ലെയിം ചെയ്യാത്ത നിക്ഷേപ വിവരങ്ങള്‍ അറിയാനും സാധിക്കും
