തിരുവനന്തപുരം : ആർഎസ്എസ് സ്വേച്ഛാധിപത്യ സംഘടനയാണെന്ന് സിപിഎം ജനറൽ സെക്രട്ടറി എം എ ബേബി. ആർഎസ്എസിന് ദുരൂഹമായ സംവിധാനങ്ങൾ ആണ് ഉള്ളത്. രൂപഘടന തന്നെ സ്വേച്ഛാധിപത്യമാണ്. ആർഎസ്എസിന്റെ നേതൃത്വത്തെ തെരഞ്ഞെടുക്കുന്നത് പോലും ജനാധിപത്യപരമായല്ല എന്നും എം എ ബേബി അഭിപ്രായപ്പെട്ടു.
ആയിരം ഫണമുള്ള വിഷ സർപ്പം പോലെയാണ് ആർഎസ്എസ് എന്നും എം എ ബേബി കുറ്റപ്പെടുത്തി. ആർഎസ്എസിന് ജനാധിപത്യത്തിന് വേണ്ടി നിലനിൽക്കാനാകില്ല. മനസ് തുറന്ന് എന്തെങ്കിലും സംസാരിക്കണമെങ്കിൽ ഇപ്പോൾ കേരളത്തിലേക്ക് വരണമെന്ന അവസ്ഥയാണുള്ളത് എന്നും അദ്ദേഹം അഭിപ്രായപ്പെട്ടു.
ഒരു അർദ്ധ ഫാസിസ്റ്റ് സൈനിക ദളം തന്നെ ആർഎസ് എസ് സജ്ജമാക്കിയിട്ടുണ്ട് എന്നും എം എ ബേബി സൂചിപ്പിച്ചു. ജനാധിപത്യം കാത്ത് സൂക്ഷിക്കാൻ നിരന്തരം സമര സജ്ജരായി ഇരിക്കണമെന്നും സിപിഎം ജനറൽ സെക്രട്ടറി അഭിപ്രായപ്പെട്ടു.
