ഡൽഹി: ഉക്രെയ്നിൽ നിന്നും ഇന്ത്യയിലെത്തിയ വിദ്യാർത്ഥികളുടെ വീഡിയോ പങ്കുവെച്ച് കേന്ദ്ര മന്ത്രി നിർമ്മല സീതാരാമൻ. നമ്മുടെ ത്രിവർണ പതാക നമ്മുടെ പൗരന്മാരെ മാത്രമല്ല, മറ്റ് രാജ്യങ്ങളിലുള്ളവരെയും സഹായിച്ചുവെന്ന് കേന്ദ്ര മന്ത്രി ട്വീറ്റ് ചെയ്തു. ഇതിൽ അഭിമാനമുണ്ടെന്നും കേന്ദ്ര മന്ത്രി വ്യക്തമാക്കി.
https://twitter.com/nsitharaman/status/1498853117353287680
ഇന്ത്യൻ പതാക കണ്ടപ്പോൾ എല്ലാ ചെക്ക് പോയിന്റുകളിലും ക്ലിയറൻസ് ലഭിച്ചുവെന്ന് ഉക്രെയ്നിൽ നിന്നും ഇന്ത്യയിലെത്തിയ വിദ്യാർത്ഥികൾ വാർത്താ ഏജൻസിയോട് പറഞ്ഞു. കർട്ടനും കളർ സ്പ്രേയും ഉപയോഗിച്ച് ഉണ്ടാക്കിയ പതാകയായിരുന്നു അത്. ഭയവിഹ്വലരായി രക്ഷയ്ക്ക് ആരുമില്ലാതെ വിഷമിച്ച പാകിസ്ഥാൻ- തുർക്കി വിദ്യാർത്ഥികളും തങ്ങളോടൊപ്പം ഇന്ത്യൻ ദേശീയ പതാകയുടെ തണലിൽ രക്ഷപ്പെട്ടുവെന്നും വീഡിയോയിൽ വിദ്യാർത്ഥികൾ പറയുന്നു.
ഉക്രെയ്നിൽ കുടുങ്ങിയ ഇന്ത്യക്കാരെ രക്ഷപ്പെടുത്തുന്നതിനായി കേന്ദ്ര സർക്കാർ ആവിഷ്കരിച്ച ഓപ്പറേഷൻ ഗംഗ പദ്ധതിയുടെ ഭാഗമായി തിരികെ എത്തിയവരായിരുന്നു വിദ്യാർത്ഥികൾ.
