കേൾക്കുന്നത് ഒക്കെ തെറ്റാണെന്നേ, ജയിലറിൽ അഭിനയിച്ചതിന് തനിക്കു കിട്ടിയത് മുപ്പത്തിയഞ്ച് ലക്ഷം രൂപയല്ല; വെളിപ്പെടുത്തലുമായി നടൻ വിനായകൻ തന്നെ രംഗത്ത്!!
അതേ, രജനികാന്ത്ചിത്രം ജയിലറിലെ- നടൻ വിനായകന്റെ വർമൻ എന്ന വില്ലൻ കഥാപാത്രം പ്രേക്ഷകരെ ആകെ ത്രസിപ്പിച്ചതാണ്. എന്നാൽ ഈ ചിത്രത്തിലെ നായകൻ സൂപ്പർസ്റ്റാർ രജനിക്കു കോടികൾ പ്രതിഫലം ലഭിക്കുക മാത്രമല്ല ചിത്രത്തിന്റെ വിജയത്തിന് ശേഷം കാറുകളുടെ വലിയൊരു ശേഖരം കാണിച്ചു കൊടുത്തു അതിൽ നിന്നും ഇഷ്ടപ്പെട്ട വാഹനം തിരഞ്ഞെടുക്കാൻ നിർമാതാവ് പറഞ്ഞു എന്ന വാർത്തകൾ ഒക്കെയും പുറത്തു വന്നിരുന്നു.
അതിനോടൊപ്പം, ഈ ചിത്രത്തിൽ പ്രതിനായകനായ വിനായകന്റെ പ്രതിഫലം മുപ്പത്തിയഞ്ച് ലക്ഷത്തിൽ ഒതുക്കി എന്ന റിപ്പോർട്ടുകളും ഉണ്ടായിരുന്നു. അത് വിനായകന്റെ ആരാധകരെ കുറച്ചൊന്നുമല്ല അലോസരപ്പെടുത്തിയത്. എന്നാൽ ഈ വാർത്തയെ അപ്പാടെ നിഷേധിച്ചിരിക്കുകയാണ് നടൻ വിനായകൻ. 35 ലക്ഷമാണ് തനിക്കു കിട്ടിയതെന്ന പ്രചാരണം തെറ്റാണെന്നും താൻ ആവശ്യപ്പെട്ടതിനേക്കാൾ കൂടുതൽ പ്രതിഫലം നിർമാതാക്കൾ നൽകിയെന്നുമാണ് അദ്ദേഹം പറയുന്നത്. ചുരുക്കിപ്പറഞ്ഞാൽ, ഈ പറയുന്ന 35 ലക്ഷത്തിന്റെ ഇരട്ടിയുടെ ഇരട്ടി കിട്ടിയിട്ടുണ്ടെന്നുതന്നെയാണ് അദ്ദേഹത്തിന്റെ വെളിപ്പെടുത്തൽ
ചോദിച്ച പ്രതിഫലം തന്നെ അവർ തന്നെന്നു മാത്രമല്ല, അതിനൊപ്പം തന്നെ സെറ്റിൽ പൊന്നുപോലെ നോക്കുകയും ചെയ്തെന്നും വിനായകൻ പറയുന്നു. നീണ്ട ഒരു വർഷത്തോളമാണ് വർമൻ എന്ന കഥാപാത്രത്തിന് വേണ്ടി താൻ മാറ്റിവച്ചത്. ജയിലർ ചിത്രത്തോടെ താൻ കൂടുതൽ സെലെക്ടിവ് ആയെന്നും അതിനാൽത്തന്നെ അടുത്ത സിനിമ തിരഞ്ഞെടുക്കുമ്പോൾ ഏറെ ശ്രദ്ധ പുലർത്തുമെന്നും അദ്ദേഹം കൂട്ടിച്ചേർത്തു.
