ഷിംല: ഗ്രാമങ്ങളാൽ സമ്പുഷ്ടമാണ് നമ്മുടെ രാജ്യം. ഇതിൽ ഓരോ ഗ്രാമങ്ങളിലും ഓരോ ആചാരങ്ങളാണ് നിലനിൽക്കുന്നത് എന്ന് എല്ലാവർക്കും അറിയാം. ഇതിൽ പല ആചാരങ്ങളും നമുക്ക് വിചിത്രമായും തോന്നാറുണ്ട്. ഇതിൽ ഒന്നിനെക്കുറിച്ചാണ് പറയാൻ പോകുന്നത്.
ഹിമാൽപ്രദേശിലെ മണികർണ താഴ്‌വരയിലെ പിനി എന്ന ഗ്രാമത്തിലാണ് ഈ വിചിത്രമായ ആചാരം ഉള്ളത്. സ്ത്രീകൾ വസ്ത്രങ്ങൾ ധരിക്കാതെ നഗ്നരായി നടക്കണം എന്നതാണ് ആചാരം. എന്നാൽ വർഷം മുഴുവനും അല്ല, മറിച്ച് വർഷത്തിൽ അഞ്ച് തവണയാണ് സ്ത്രീകൾ ഈ ആചാരം പാലിക്കേണ്ടത്. നൂറ്റാണ്ടുകൾ പഴക്കമുള്ള ഈ ആചാരം ഇന്ന് ആളുകൾ അനുസരിച്ച് പോരുന്നുണ്ട് എന്നതാണ് മറ്റൊരു സവിശേഷത. സ്ത്രീകൾ മാത്രമല്ല ഈ വേളയിൽ പുരുഷന്മാരും ചില ചിട്ടകൾ പാലിക്കേണ്ടതാണ്.
വർഷത്തിൽ അഞ്ച് ദിവസം വസ്ത്രം ഉപേക്ഷിച്ചില്ലെങ്കിൽ സ്ത്രീകൾക്ക് അപകടം സംഭവിക്കും എന്നാണ് ഈ ഗ്രാമത്തിലുള്ളവരുടെ വിശ്വാസം. പിശാചുക്കൾ ആണ് അപകടം ഉണ്ടാക്കുക എന്നും ഇവർ വിശ്വസിക്കുന്നു. നൂറ്റാണ്ടുകൾക്ക് മുൻപ് ഇവരുടെ ഗ്രാമം പിശാചുക്കൾ പിചിച്ചെടുത്തിരുന്നു. ആ സമത്ത് അസുരന്മാർ വിവാഹിതരായ ഭംഗിയുള്ള വസ്ത്രങ്ങൾ ധരിക്കുന്ന സ്ത്രീകളെ അസുരന്മാർ പിടിച്ചുകൊണ്ട് പോയിരുന്നു. പിന്നീട് ലഹുവാ ഘോണ്ട് എന്ന ദൈവം പ്രത്യക്ഷപ്പെട്ട് ഈ പിശാചിനെ ഇല്ലാതെ ആക്കുകയായിരുന്നു. ഭംഗിയുള്ള വസ്ത്രങ്ങൾ ഉപയോഗിച്ചതുകൊണ്ടാണ് അസുരന്മാർ സ്ത്രീകളെ പിടിച്ചുകൊണ്ട് പോയത് എന്നാണ് ഇവിടുള്ളവർ വിശ്വസിക്കുന്നത്. അതിനാലാണ് സ്ത്രീകൾ അഞ്ച് ദിവസം വസ്ത്രം ഉപേക്ഷിക്കുന്നത്.
അതേസമയം ഈ ആചാരം അനുഷ്ടിക്കുന്ന വേളയിൽ ഭർത്താക്കാന്മാർ സ്ത്രീകളുമായി സംസാരിക്കരുത്. മദ്യപിക്കുകയോ മാംസം കഴിക്കുകയോ ചെയ്യരുത്. ഇത് ദൈവ സാന്നിദ്ധ്യം ഇല്ലാതാക്കുകയും അപകടം വിളിച്ചുവരുത്തുകയും ചെയ്യുമെന്നും ഇവർ വിശ്വസിക്കുന്നു.
