വിവാദ ഇസ്ലാമിക പ്രഭാഷകന്‍ സാക്കിര്‍ നായിക് പാകിസ്താന്‍ സന്ദര്‍ശനത്തിനിടെ ഭീകര സംഘടനയായ ലഷ്‌കര്‍-ഇ-തൊയ്ബ (എല്‍ഇടി) അംഗങ്ങളുമായി കൂടിക്കാഴ്ച നടത്തുന്ന ദൃശ്യങ്ങള്‍ പുറത്ത്. ഒരു മാസത്തെ സന്ദര്‍ശനത്തിനായി സെപ്തംബര്‍ 30 ന് പാകിസ്താനില്‍ എത്തിയ നായിക് , ലഷ്‌കര്‍ ഇ ടി കമാന്‍ഡര്‍ മുസമ്മില്‍ ഇഖ്ബാല്‍ ഹാഷ്മി, മുഹമ്മദ് ഹാരിസ് ധര്‍, ഫൈസല്‍ നദീം എന്നിവരുമായാണ് കൂടിക്കാഴ്ച നടത്തിയത്. 2008ല്‍ യുഎസ് ‘അന്താരാഷ്ട്ര’ തീവ്രവാദികളായി പ്രഖ്യാപിച്ചരാണ് ഇവര്‍.
ലാഹോറിലെ ബാദ്ഷാഹി മസ്ജിദില്‍ 150,000-ലധികം ആളുകളെ അഭിസംബോധന ചെയ്ത സാകിര്‍ നായ്ക്ക് ഹാഷ്മിയെയും മറ്റ് ലഷ്‌കര്‍ ഇറ്റാലിയന്‍ തീവ്രവാദികളെയും ആലിംഗനം ചെയ്യുന്നത് ദൃശ്യങ്ങളില്‍ വ്യക്തമാണ്. സാകിര്‍ നായികിന്റെ സന്ദര്‍ശനത്തോട് അനുബന്ധിച്ച് കനത്ത സുരക്ഷയാണ് ലാഹോര്‍ പോലീസ് ഒരുക്കിയിരുന്നത്.
അതേസമയം, 2008-ല്‍ മുംബൈയില്‍ നടന്ന സംഭവമുള്‍പ്പെടെ നിരവധി ഭീകരാക്രമണങ്ങള്‍ക്ക് പിന്നില്‍ ലഷ്‌കര്‍ ഇ തൊയ്ബയാണ്. 2016 മുതല്‍ ദേശീയ അന്വേഷണ ഏജന്‍സി (എന്‍ഐഎ) കേസെടുത്തതിന് ശേഷം സാക്കിര്‍ നായിക് മലേഷ്യയിലാണ് താമസിക്കുന്നത്.
2016 ജൂലൈയിലെ ധാക്ക ഭീകരാക്രമണത്തെ തുടര്‍ന്നാണ് എന്‍ഐഎ നടപടി. യൂട്യൂബ് ചാനലിലൂടെ സാകിര്‍ നായിക്ക് നടത്തിയ പ്രസംഗം തന്നെ സ്വാധീനിച്ചതായി സംഭവത്തിലുള്‍പ്പെട്ട അക്രമികളിലൊരാള്‍ വെളിപ്പെടുത്തിയിരുന്നു.
#BREAKING: US/UN designated Terror Group Lashkar-e-Tayyiba Commander Muzammil Iqbal Hashmi and Harris Dhar welcome Fugitive Hate Preacher Zakir Naik in Lahore, Pakistan. Birds of same Islamist feather huddle together. pic.twitter.com/soYTXcXIVZ
— Aditya Raj Kaul (@AdityaRajKaul) October 18, 2024
