ഭക്ഷണ ശേഷം കഴിക്കാന്‍ റെസ്റ്റോറന്റുകളില് ജീരകമോ, ജീരകമിഠായിയോ ഒക്കെ വെച്ചിരിക്കുന്നത് എന്തിനാണെന്ന് അറിയാമോ. പോഷകങ്ങളാല്‍ സമ്പന്നമായ സുഗന്ധവ്യജ്ഞനമാണ് ജീരകം. ഇത്തിരികുഞ്ഞനാണെങ്കിലും നാരുകള്‍, ആന്റി ഓക്സിഡന്റുകള്‍, വിറ്റാമിന്‍ സി, പൊട്ടാസ്യം, മഗ്‌നീഷ്യം എന്നീ വലിയ ഗുണങ്ങളാണ് ഇതിനുള്ളത്. ഇവ ഭക്ഷണത്തിന് ശേഷം കഴിക്കുന്നത് ദഹനത്തെ സഹായിക്കുന്നു. മാത്രമല്ല, ഇവ ദഹനപ്രക്രിയ സുഗമമാക്കുന്ന തരത്തിലുള്ള എന്‍സൈമുകള്‍ ഉത്തേജിപ്പിക്കാന്‍ ഇവയ്ക്ക് കഴിയും കൂടാതെ ആന്റി ബാക്ടീരിയല്‍ ഗുണങ്ങളാല്‍ സമ്പന്നമായ ജീരകം വായയിലെ ബാക്ടീരിയകള്‍ ഇല്ലാതാക്കി ശുദ്ധമാക്കാനും സഹായിക്കുന്നുണ്ട്.
ജീരകത്തില്‍ അടങ്ങിയിരിക്കുന്ന പൊട്ടാസ്യം രക്തസമ്മര്‍ദത്തിന്റെ അളവ് ഫലപ്രദമായി നിയന്ത്രിക്കാനും ഹൃദയാരോഗ്യത്തെ പിന്തുണയ്ക്കാനും സഹായിക്കുകയും ചെയ്യുന്നു. ഇതില്‍ ഉയര്‍ന്ന അളവില്‍ വിറ്റാമിന്‍ സി അടങ്ങിയതിനാല്‍ തന്നെ ഫ്രീ റാഡിക്കലുകളെ പ്രതിരോധിക്കുകയും ചര്‍മത്തില്‍ കൊളാജന്‍ ഉത്പാദനം പ്രോത്സാഹിപ്പിക്കുകയും ചര്‍മത്തിന്റെ ഘടന മെച്ചപ്പെടുത്തുകയും ചെയ്യുന്നു.
കരളിനെ ശുദ്ധീകരിക്കാനുള്ള ഇതിന്റെ കഴിവും പ്രസിദ്ധമാണ്. ശരീരത്തില്‍ നിന്ന് വിഷവസ്തുക്കളെ പുറംന്തള്ളുകയും ചെയ്യുന്ന പ്രകൃതിദത്ത വിഷാംശം ഇല്ലാതാക്കുന്നതിനായി പ്രവര്‍ത്തിക്കുന്നു.
ദഹനസംബന്ധമായ പ്രശ്നങ്ങള്‍ക്ക് മാത്രമല്ല, ആര്‍ത്തവ സംബന്ധമായ അസ്വസ്ഥതകള്‍ ഇല്ലാതാക്കാനും ജീരകം സഹായിക്കുന്നു. ആര്‍ത്തവ സമയത്തെ മലബന്ധവും അസ്വസ്ഥതയും കുറയ്ക്കുന്നു.
