വിഐപി ദർശനമെന്ന ആശയം തന്നെ ദൈവികതയ്ക്ക് എതിരായതിനാൽ വിഐപി സംസ്കാരം ഇല്ലാതാക്കണമെന്ന് ഉപരാഷ്ട്രപതി ജഗ്ദീപ് ധൻഖർ ചൊവ്വാഴ്ച പറഞ്ഞു.
ക്യുവിൽ നിൽക്കുന്നതിന് പകരം മറ്റൊരാൾക്ക് അനർഹമായ മുൻഗണന നൽകുകയും വിവിഐപി അല്ലെങ്കിൽ വിഐപി എന്ന് മുദ്രകുത്തുകയും ചെയ്യുമ്പോൾ , ഇത് സമത്വ സങ്കൽപ്പത്തെ ഇകഴ്ത്തുകയാണ്. വിഐപി സംസ്കാരം ഒരു അപചയമാണ് . അതൊരു കടന്നുകയറ്റമാണ്. സമത്വത്തിൻ്റെ കോണിൽ കാണുമ്പോൾ അതിന് സമൂഹത്തിൽ ഒരു സ്ഥാനവും ഉണ്ടാകരുത്, മതപരമായ ഇടങ്ങളിൽ തീരെ ഉണ്ടാകരുത് , ”ധൻഖർ പറഞ്ഞു
ശ്രീ മഞ്ജുനാഥ ക്ഷേത്രത്തിൽ രാജ്യത്തെ ഏറ്റവും വലിയ ‘ക്യൂ കോംപ്ലക്സ്’ ഉദ്ഘാടനം ചെയ്യുകയായിരുന്നു ഉപരാഷ്ട്രപതി. ‘ശ്രീ സാനിധ്യ’ എന്നാണ് ഈ സൗകര്യം അറിയപ്പെടുന്നത്.
ഇത് കൂടാതെ 2047-ഓടെ വികസിത ഇന്ത്യ എന്ന ലക്ഷ്യത്തിലെത്താൻ രാജ്യത്തെ സഹായിക്കാൻ അദ്ദേഹം ജനങ്ങളോട് ആഹ്വാനം ചെയ്തു.
