ബെയ്‌ജിങ്‌: അമേരിക്കയെയും റഷ്യയെയും ഒരുപോലെ സുഹൃത്തുക്കളാക്കി കൊണ്ട് പോകുന്ന ഇന്ത്യയുടെ മാന്ത്രിക നയതന്ത്രം ലോകം മുഴുവൻ അത്ഭുതത്തോടെയാണ് നോക്കി കാണുന്നത്. എന്നാൽ ഇത് കൊണ്ടും പോരാ, എന്ന് തോന്നിയിട്ടാകാം, ഇപ്പോൾ ചൈനയെയും കൂടെ കൂടിയിരിക്കുകയാണ് ഭാരതം. ഇന്ത്യ ഇല്ലാതെ മുന്നോട്ട് പോക്ക് ബുദ്ധിമുട്ടാണെന്ന് അഭിപ്രായവുമായി രംഗത്ത് വന്നിരിക്കുകയാണ് ചൈനീസ് വിദേശ കാര്യാ മന്ത്രാലയം. എന്ത് കൊണ്ടാണ് ഇന്ത്യയെ വിശ്വഗുരു എന്ന് വിളിക്കേണ്ടത് എന്ന കാര്യത്തിന് അടിവരയിടുകയാണ് ഭാരതം ഇപ്പോൾ.
ഇന്ത്യയുടേയും ചൈനയുടെയും പരസ്പര സഹകരണം കാലഘട്ടത്തിന്റെ ആവശ്യമാണെന്ന അഭിപ്രായവുമായി രംഗത്ത് വന്നിരിക്കുകയാണ് ചൈനീസ് വിദേശകാര്യ മന്ത്രാലയം. ചൈനീസ് വിദേശകാര്യ മന്ത്രാലയ വക്താവ് ഗുവോ ജിയാകുൻ ആണ് ഇരു രാജ്യങ്ങളും തമ്മിലുള്ള സഹകരണത്തിന്റെ പ്രാധാന്യം എടുത്തുപറഞ്ഞു രംഗത്ത് വന്നത്.
രണ്ട് പ്രധാന സംസ്കാരങ്ങൾ, വികസ്വര രാജ്യങ്ങൾ, വളർന്നുവരുന്ന സമ്പദ്‌വ്യവസ്ഥകൾ, ചൈനയും ഇന്ത്യയും വികസനത്തിൽ ശ്രദ്ധ കേന്ദ്രീകരിക്കുകയും സഹകരണത്തിൽ ഏർപ്പെടുകയും വേണം. ഇത് ഇരു രാജ്യങ്ങളിലെയും 2.8 ബില്യണിലധികം ജനങ്ങളുടെ അടിസ്ഥാന താൽപ്പര്യങ്ങൾ നിറവേറ്റുന്നു, പ്രാദേശിക രാജ്യങ്ങളുടെയും ജനങ്ങളുടെയും പൊതു അഭിലാഷം നിറവേറ്റുന്നു. ചൊവ്വാഴ്ച നടന്ന പതിവ് പത്രസമ്മേളനത്തിൽ ഗുവോ പറഞ്ഞു.
ചൈനയും ഇന്ത്യയും പരസ്പരം ഭീഷണിയല്ല, വികസനത്തിനുള്ള അവസരമാണെന്നും മത്സരിക്കുന്നതിനേക്കാൾ സഹകരണ പങ്കാളിയാണെന്നും ഉൾപ്പെടെ, പ്രസിഡന്റ് ഷി ജിൻപിങ്ങും പ്രധാനമന്ത്രി നരേന്ദ്ര മോദിയും തമ്മിൽ കസാനിൽ നടന്ന കൂടിക്കാഴ്ചയിൽ ഉണ്ടാക്കിയ പ്രധാനപ്പെട്ട പൊതുധാരണകൾ ഇരുപക്ഷവും ആത്മാർത്ഥമായി നടപ്പിലാക്കേണ്ടതുണ്ട്.
ഉഭയകക്ഷി ബന്ധങ്ങളെ തന്ത്രപരമായ കാഴ്ചപ്പാടിൽ നിന്നും ദീർഘകാല വീക്ഷണകോണിൽ നിന്നും കാണുകയും കൈകാര്യം ചെയ്യുകയും വേണം, ബന്ധങ്ങളെ ആരോഗ്യകരവും സുസ്ഥിരവുമായ വികസനത്തിന്റെ പാതയിലേക്ക് തിരികെ കൊണ്ടുവരണം, ശക്തരായ ഈ രണ്ട് അയൽരാജ്യങ്ങൾ ഐക്യത്തോടെ ജീവിക്കാനും പരസ്പരം വികസിക്കാനുമുള്ള ശരിയായ പാത കണ്ടെത്തണം. അദ്ദേഹം കൂട്ടിച്ചേർത്തു
