ചിലിയിലെ സമുദ്രത്തില്‍ പിതാവുമൊത്ത് കയാക്കിങിനെത്തിയതായിരുന്നു 24കാരനായ ആഡ്രിയന്‍ സിമാന്‍കസ് എന്ന യുവാവ്. പിതാവ് ആഡ്രിയന്റെ ദൃശ്യങ്ങള്‍ ചിത്രീകരിക്കുന്നുണ്ടായിരുന്നു. ഇതിനിടെയാണ് കൂറ്റന്‍ കൂനന്‍ തിമിംഗലം വെള്ളത്തിന് മുകളിലേക്ക് ഉയര്‍ന്നുവന്നത്. കയാക്കില്‍ ഇരിക്കുകയായിരുന്ന യുവാവിനെ തിമിംഗലം വിഴുങ്ങുന്ന കാഴ്ച്ച ഞെട്ടലോടെയാണ് പിതാവ് കണ്ടത്. എന്നാല്‍ അത്ഭുതകരമെന്ന് പറയട്ടെ, യുവാവിനെ വിഴുങ്ങിയ ഉടന്‍ തന്നെ തിമിംഗലം പുറത്തേക്ക് തുപ്പുകയും ചെയ്തു.
ചിലിയിലെ പെറ്റാഗോണിയയിലാല്‍ കഴിഞ്ഞ ശനിയാഴ്ചയായിരുന്നു സംഭവം. സംഭവത്തിന്റെ വീഡിയോ പുറത്തുവന്നിട്ടുണ്ട്. വെള്ളത്തില്‍ നിന്ന് പൊങ്ങിവന്ന തിമിംഗലത്തെ കണ്ട് ആദ്യം തിരമാലയാണെന്നാണ് താന്‍ തെറ്റിദ്ധരിച്ചതെന്ന് യുവാവിന്റെ പിതാവ് ഡെല്‍ പറയുന്നു.
തിമിംഗലം വായിലാക്കിയ നിമിഷം തന്റെ അവസാനനിമിഷങ്ങളാണിതെന്ന് കരുതിയെന്ന് ആഡ്രിയന്‍ പ്രതികരിച്ചു. ‘അത് എന്നെ വിഴുങ്ങിയെന്നാണ് ഞാന്‍ കരുതിയത്. നിമിഷങ്ങള്‍ക്കുള്ളില്‍ ഞാന്‍ പുറത്തേക്ക് തള്ളപ്പെട്ടു. ഏതാനും നിമിഷങ്ങള്‍ കൂടി കഴിഞ്ഞാണ് യഥാര്‍ത്ഥത്തില്‍ എന്താണ് സംഭവിച്ചതെന്ന് ഞാന്‍ മനസിലാക്കിയത്’, ആഡ്രിയന്‍ പറഞ്ഞു. തന്റെ പിതാവ് സുരക്ഷിതനാണോ എന്നാണ് അടുത്ത നിമിഷം നോക്കിയതെന്നും യുവാവ് പറയുന്നുണ്ട്.
സംഭവത്തെക്കുറിച്ച് ആഡ്രിയന്‍ പറയുന്നതിങ്ങനെ പെട്ടെന്ന് മുഖത്ത് ഒരു വഴുവഴുപ്പ് അനുഭവപ്പെട്ടു. തിരിഞ്ഞുനോക്കിയപ്പോള്‍ കടും നീലയും വെള്ളവും നിറങ്ങള്‍ പിന്നില്‍ നിന്ന് വരുന്നതായി കണ്ടു, വളരെ പെട്ടെന്ന് ് വെള്ളത്തിനടിയിലേക്ക് വലിച്ചിഴക്കപ്പെട്ടു. ആ നിമിഷം, തനിക്ക് ഒന്നും ചെയ്യാന്‍ കഴിയല്ലെന്നും താന്‍ മരിച്ചുപോകുമെന്ന് ഭയപ്പെട്ടുവെന്നും ആഡ്രിയന്‍ കൂട്ടിച്ചേര്‍ത്തു.
കൂനന്‍ തിമിംഗലം മനുഷ്യരെ വിഴുങ്ങുന്ന സംഭവം ഇതാദ്യമായല്ല. 2020 നവംബറില്‍ കാലിഫോര്‍ണിയയിലെ ഒരു കടല്‍ത്തീരത്ത് നിന്ന് ഇത് രണ്ട് കയാക്കര്‍മാരെ വിഴുങ്ങി, പിന്നാലെ ആഡ്രിയനെ ചെയ്തത് പോലെ പുറത്തേക്ക് തുപ്പുകയായിരുന്നു.
Adrian Simancas, 24, was briefly swallowed by a humpback whale while kayaking with his father, Dell, off Punta Arenas, Chile. The whale emerged from the water, engulfing Adrian & his kayak. He was then spat out back into the sea
📣Not sure why, but this reminds me of my wife… pic.twitter.com/qdoKdVYPbh
— True Crime Updates (@TrueCrimeUpdat) February 13, 2025
