ആരെങ്കിലും ആ യുവതാരത്തെ സർഫ്രാസിന്റെ ചിത്രങ്ങൾ കാണിക്കുക, അത് കണ്ടിട്ട് എങ്കിലും നന്നാകുക; കെവിൻ പീറ്റേഴ്‌സൺ പറയുന്നത് ഇങ്ങനെ

അമിതവണ്ണത്തിന്റെ പേരിലും ഫിറ്റ്നസ് പ്രശ്നങ്ങളുടെ പേരിലും ഏറെ വിമർശനം കേട്ട താരമാണ് സർഫ്രാസ് ഖാൻ. മികച്ച പ്രകടനങ്ങൾക്കിടയിലും താരം ശരീരത്തിന്റെ പേരിൽ ട്രോളുകളിൽ നിറഞ്ഞു. എന്തായാലും ഫിറ്റ്നസ് പ്രശ്നം കാരണം ഉണ്ടായ ഫോമിലെ ഇടിവ് താരത്തെ ഇന്ത്യൻ ടീമിൽ നിന്ന് പുറത്താക്കി. ഇപ്പോഴിതാ ബോഡി എല്ലാം സെറ്റാക്കി ഫിറ്റ്നസ് വീണ്ടെടുത്തിരിക്കുകയാണ് സർഫ്രാസ് ഖാൻ. താരത്തിന്റെ ചിത്രങ്ങൾ സോഷ്യൽ മീഡിയയിൽ വൈറലാണ്.

രണ്ട് മാസത്തിനുള്ളിൽ 17 കിലോ അടുത്തുള്ള ഭാരമാണ് താരം കുറച്ചത്. തന്റെ ശാരീരഭാരം കുറച്ച ശേഷമുള്ള ചിത്രങ്ങൾ താരം തന്നെ പങ്കിട്ടു. അവസാനം കളിച്ച പരമ്പരയിൽ ആറ് ടെസ്റ്റുകളിൽ നിന്ന് 371 റൺസ് നേടിയ ഖാൻ, റൺ നേടിയിട്ടും നിലവിൽ ഇംഗ്ലണ്ടിൽ കളിക്കുന്ന ഇന്ത്യാ ടീമിലേക്ക് തിരഞ്ഞെടുക്കപ്പെട്ടില്ല. എന്നിരുന്നാലും, ആൻഡേഴ്‌സൺ-ടെണ്ടുൽക്കർ ട്രോഫിക്ക് മുമ്പുള്ള ഇന്ത്യ എ ടൂർ ഓഫ് ഇംഗ്ലണ്ടിലും അദ്ദേഹം ഇടം നേടി, ഒരു സെഞ്ച്വറി നേടിയിരുന്നു. കഴിഞ്ഞ വർഷം ഫെബ്രുവരിയിൽ ഇംഗ്ലണ്ടിനെതിരെ ടെസ്റ്റ് അരങ്ങേറ്റം കുറിച്ച സർഫറാസ് ഇന്ത്യൻ ടീമിൽ ഇടം നേടിയെങ്കിലും, ടീമിൽ തന്റെ സ്ഥാനം ഉറപ്പിക്കാൻ അദ്ദേഹത്തിന് ഇതുവരെ കഴിഞ്ഞിട്ടില്ല.

എന്തായാലും ട്രോളും അവഗണയും എല്ലാം അവഗണിച്ച് താരം മാസായി തിരിച്ചെത്തുമ്പോൾ അവിടെ സർഫ്രാസിനെ അഭിനന്ദിച്ചും മറ്റൊരു ഇന്ത്യൻ താരം പ്രിത്വി ഷായെ കളിയാക്കിയും രംഗത്ത് വന്നിരിക്കുകയാണ് കെവിൻ പീറ്റേഴ്‌സൺ. വാക്കുകൾ ഇങ്ങനെ : “മികച്ച ശ്രമം, സർഫ്രാസ്! അഭിനന്ദനങ്ങൾ, കളിക്കളത്തിൽ കൂടുതൽ മികച്ചതും സ്ഥിരതയുള്ളതുമായ പ്രകടനങ്ങൾക്ക് ഇത് കാരണമാകുമെന്ന് എനിക്ക് ഉറപ്പുണ്ട്. നിങ്ങളുടെ ഫിറ്റ്നസ് പുനഃക്രമീകരിക്കാൻ നിങ്ങൾ ചെലവഴിച്ച സമയം മികച്ചതായിരുന്നു. ദയവായി ആരെങ്കിലും പൃഥ്വിയെ ഇത് കാണിക്കുമോ? അത് അയാൾക്കും ചെയ്യാൻ കഴിയും! ശക്തമായ ശരീരം, ശക്തമായ മനസ്സ്!” പീറ്റേഴ്‌സൺ പോസ്റ്റ് ചെയ്തു.

സർഫ്രാസ് ഖാനെ പോലെ തന്നെ ഫിറ്റ്നസ് പ്രശ്നങ്ങൾ കാരണം ഒരുപാട് വിമർശനം കേട്ട ആളാണ് ഷായും. ഒരു കാലത്ത് അടുത്ത സച്ചിൻ എന്നൊക്കെ അറിയപ്പെട്ട താരത്തിന്റെ കരിയർ തളർന്നത് പെട്ടെന്ന് ആയിരുന്നു.

SARFARAZ KHAN HAS LOST 17KGS IN THE LAST 2 MONTHS. 🤯 pic.twitter.com/c9zbQQWors

— Mufaddal Vohra (@mufaddal_vohra) July 21, 2025