പ്ലേ ബോൾഡ്' അല്ല, ഇത് 'പ്ലേ ഹോൾഡ്; ആർസിബിയെ പരിഹസിച്ച് ശുഭ്മാൻ ഗില്ലിന്റെ ഇൻസ്റ്റാഗ്രാം പോസ്റ്റ്, കൂട്ടിന് കോഹ്‌ലിയുടെ ചിത്രവും

ഐപിഎല്ലിൽ എതിർ ടീമുകളെ തോൽപ്പിക്കുമ്പോൾ അവരെ സമൂഹ മാധ്യമങ്ങളിലൂടെ പരിഹസിക്കുന്ന ശീലം ഗുജറാത്ത് ടൈറ്റൻസ് നായകൻ ശുഭ്മാൻ ഗില്ലിനുണ്ട്. നേരത്തെ ചെപ്പോക്കിൽ ചെന്നൈ സൂപ്പർ കിംഗ്സിനെ തകർത്തതിന് പിന്നാലെ വിസിൽ ഊതുന്ന ചിത്രം പങ്കുവെച്ച് ഗിൽ രംഗത്തെത്തിയിരുന്നു. ഇപ്പോൾ റോയൽ ചലഞ്ചേഴ്സ് ബെംഗളൂരുവിനെതിരായ വിജയത്തിന് ശേഷവും ഗിൽ അത് ആവർത്തിച്ചിരിക്കുകയാണ്. വിരാട് കോഹ്‌ലിയുടെ ചിത്രം ഉൾപ്പെടെ പങ്കുവെച്ച ഇൻസ്റ്റാഗ്രാം പോസ്റ്റിലൂടെയാണ് ഗില്ലിന്റെ ഒളിയമ്പ്.

അഹമ്മദാബാദിൽ നടന്ന മത്സരത്തിൽ 4 വിക്കറ്റിനാണ് ഗുജറാത്ത് ടൈറ്റൻസ് ആർസിബിയെ പരാജയപ്പെടുത്തിയത്. 18 പന്തിൽ 43 റൺസെടുത്ത ഗില്ലിന്റെ വെടിക്കെട്ട് ബാറ്റിംഗാണ് വിജയത്തിന് അടിത്തറയിട്ടത്. രണ്ട് വിക്കറ്റും മൂന്ന് ക്യാച്ചും 10 പന്തിൽ 12 റൺസും നേടിയ ജേസൺ ഹോൾഡറായിരുന്നു ഗുജറാത്ത് നിരയിലെ യഥാർത്ഥ താരം.

Stories you may like

ന്യൂസിലൻഡിൽ യശസ്വി ജയ്‌സ്വാളിന്റെ ബാറ്റിംഗ് വെടിക്കെട്ട്; ഇരട്ട സെഞ്ച്വറി കൂട്ടുകെട്ടുമായി ഇന്ത്യ എ, രണ്ടാം ടെസ്റ്റ് സമനിലയിൽ

ന്യൂസിലൻഡ് പര്യടനത്തിന് മുമ്പ് ഋഷഭ് പന്തിന് നിർണായക ഫിറ്റ്നസ് പരീക്ഷ; ആദ്യ പരിശോധനയിൽ പരാജയം, ഇന്ത്യൻ ടീമിൽ ആശങ്ക

മത്സരശേഷം ജേസൺ ഹോൾഡറെ പ്രശംസിച്ചുകൊണ്ട് ഗിൽ നൽകിയ ക്യാപ്ഷനാണ് ഇപ്പോൾ ചർച്ചയാകുന്നത്. ആർസിബിയുടെ ടാഗ്‌ലൈനായ ‘പ്ലേ ബോൾഡി’നെ (Play Bold) പരിഹസിക്കുന്നതാണ് ഗില്ലിന്റെ വാക്കുകൾ എന്നാണ് ആരാധകർ പറയുന്നത്. “പ്ലേ ഹോൾഡ് @jaseholder98, ഇന്ന് രാത്രി ടീമിന്റെ ബോൾഡ് പെർഫോമൻസ്,” ഗിൽ ഇൻസ്റ്റാഗ്രാമിൽ കുറിച്ചു. ഇതിനൊപ്പം വിരാട് കോലിയുടെ ചിത്രവും ഗിൽ ഉൾപ്പെടുത്തിയിട്ടുണ്ട്.

മത്സരത്തിനിടെ കോഹ്‌ലിയും ഗില്ലും തമ്മിലുള്ള വാക്പോരും ശ്രദ്ധേയമായിരുന്നു. ഗില്ലിനെ പുറത്താക്കിയ മികച്ചൊരു ക്യാച്ചിന് പിന്നാലെ കോലി അഗ്രസ്സീവായാണ് വിക്കറ്റ് ആഘോഷിച്ചത്. തന്റെ ഇന്ത്യൻ സഹതാരത്തിന് നേരെ രൂക്ഷമായി തുറിച്ചുനോക്കുന്ന കോലിയെ ഗ്രൗണ്ടിൽ കാണാമായിരുന്നു.

എന്നാൽ ഈ കലിപ്പൊക്കെ കളിക്കളത്തിൽ മാത്രമായി ഒതുങ്ങി സൂപ്പർതാരവുമൊത്ത് ഗില്ലും തമാശകൾ പങ്കുവെക്കുന്നതും ഡഗ്ഔട്ടിലിരുന്ന ഗില്ലിനെ കോലി കളിയാക്കുന്നതും ക്യാമറകൾ ഒപ്പിയെടുത്തു. മത്സരശേഷം ഇരുവരും കെട്ടിപ്പിടിച്ചാണ് മടങ്ങിയത്. തങ്ങൾക്കിടയിൽ പ്രശ്നങ്ങളൊന്നുമില്ലെന്ന് ആരാധകർക്ക് കാണിച്ചുകൊടുക്കാൻ ഈ ആലിംഗനത്തിലൂടെ ഇരുവർക്കും കഴിഞ്ഞു.

What is happening between Shubman Gill and Virat Kohli?? pic.twitter.com/yeYhr4OScM

— Velvet Dusk (@xMidnightMuse1) April 30, 2026

To the people who are crying for Kohli celebrating aggressively for gill wicket.
Hopefully you guys can see their bond
Prince 🫂 kohli #Rcb #Virat pic.twitter.com/Y3eYlB9dqw

— anirudh (@rajnikanth2457) April 30, 2026

The award for the best senior and junior duo goes to… 😁#TATAIPL #GTvRCB #ShubmanGill #ViratKohli pic.twitter.com/4lccF2wv9u

— Star Sports (@StarSportsIndia) April 30, 2026