ഐപിഎൽ 2026-ൽ തുടർച്ചയായ രണ്ടാം കിരീടം സ്വന്തമാക്കി റോയൽ ചലഞ്ചേഴ്സ് ബെംഗളൂരു. അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന ഫൈനലിൽ ഗുജറാത്ത് ടൈറ്റൻസിനെ അഞ്ച് വിക്കറ്റിന് പരാജയപ്പെടുത്തിയാണ് ആർ.സി.ബി ചരിത്രം ആവർത്തിച്ചത്. ഫൈനലിലെ വിജയത്തിന് ശേഷം വിരാട് കോഹ്‌ലി തന്റെ ഭാര്യ അനുഷ്ക ശർമ്മയ്ക്കൊപ്പം നൃത്തം ചെയ്യുന്ന വീഡിയോ ഇപ്പോൾ സമൂഹമാധ്യമങ്ങളിൽ വൈറലായിരിക്കുകയാണ്.
ഫൈനലിൽ 156 റൺസ് വിജയലക്ഷ്യം പിന്തുടർന്ന ആർ.സി.ബിക്കായി കോഹ്‌ലി പുറത്താകാതെ 75 റൺസ് നേടി. 18 ഓവറിൽ അഞ്ച് വിക്കറ്റ് നഷ്ടത്തിൽ ആർ.സി.ബി വിജയലക്ഷ്യം മറികടന്നു. വിജയത്തിന് ശേഷം ദിനേശ് കാർത്തിക്കിനും മറ്റ് ടീം അംഗങ്ങൾക്കുമൊപ്പം കോഹ്‌ലിയും അനുഷ്ക ശർമ്മയും ചേർന്ന് നടത്തിയ നൃത്തം ആരാധകർക്ക് വലിയൊരു വിരുന്നായി.
വിജയ റൺ നേടി കളി അവസാനിപ്പിക്കുന്നത് പലതവണ സ്വപ്നം കണ്ടിട്ടുണ്ടെന്നും, ആ സ്വപ്നം സാക്ഷാത്കരിച്ചതിൽ അതിയായ സന്തോഷമുണ്ടെന്നും കോഹ്‌ലി പറഞ്ഞു. വൈഭവ് സൂര്യവംശിയെപ്പോലുള്ള യുവതാരങ്ങൾ നൽകുന്ന സമ്മർദ്ദം തന്റെ ശൈലി മാറ്റാൻ പ്രേരിപ്പിച്ചുവെന്ന് കോഹ്‌ലി വെളിപ്പെടുത്തി. 37-ാം വയസ്സിലും തന്റെ ചിന്താഗതി മാറ്റാൻ ഈ യുവതാരങ്ങൾ കാരണമായി എന്ന് അദ്ദേഹം കൂട്ടിച്ചേർത്തു.
ഈ സീസണിൽ ആർ.സി.ബിയുടെ വിജയത്തിന് പിന്നിൽ ഒരു വ്യക്തി മാത്രമല്ല, മികച്ചൊരു ടീം തന്നെയാണുള്ളത്. ആദ്യ 10 മത്സരങ്ങളിൽ എട്ടു വ്യത്യസ്ത താരങ്ങളാണ് ‘പ്ലെയർ ഓഫ് ദി മാച്ച്’ പുരസ്കാരം നേടിയതെന്ന് കോഹ്‌ലി അഭിമാനത്തോടെ ഓർമ്മിപ്പിച്ചു
𝗞𝗶𝗻𝗴 𝗞𝗼𝗵𝗹𝗶’𝘀 𝗺𝗮𝘀𝘁𝗲𝗿𝗰𝗹𝗮𝘀𝘀 𝗼𝗻 𝘁𝗵𝗲 𝗱𝗮𝗻𝗰𝗲 𝗳𝗹𝗼𝗼𝗿 😉
Pure vibes. Wholesome. And so much more. Anushka Sharma, thank you for being our Day 1. ❤️ pic.twitter.com/7Qmxxv6QtG
— Royal Challengers Bengaluru (@RCBTweets) June 1, 2026
