ജമ്മു കാശ്മീരിൽ ഭീകരരോടൊപ്പം അറസ്റ്റിലായ ഡെപ്യുട്ടി പോലീസ് സൂപ്രണ്ട് ദേവീന്ദർ സിംഗിന്റെ തീവ്രവാദ ബന്ധങ്ങളെക്കുറിച്ച് ദേശീയ അന്വേഷണ ഏജൻസി അന്വേഷിക്കും.കഴിഞ്ഞ ജനുവരി പതിനൊന്നിനാണ് ഡെപ്യുട്ടി പോലീസ് സൂപ്രണ്ട് ദേവീന്ദർ സിംഗിനെ ഹിസ്ബുൾ മുജാഹിദീനിലെ കൊടും ഭീകരരായ നവീദ് ബാബു,ആസിഫ് അഹമ്മദ് എന്നിവരോടൊപ്പം പോലീസ് അറസ്റ്റ് ചെയ്തത്.
ഭീകരരെ പോലീസിന്റെ പരിശോധന മറികടക്കാൻ സഹായിച്ചതിന് ലക്ഷക്കണക്കിന് രൂപയാണ് സിംഗ് കൈപ്പറ്റിയതെന്നും പിന്നീട് അന്വേഷണത്തിൽ തെളിഞ്ഞു. തുടർന്ന് ഇയാളുടെ വീട്ടിൽ നടത്തിയ തിരച്ചിലിൽ ആയുധങ്ങളും കണ്ടെടുത്തിരുന്നു.കശ്‍മീരിൽ മുൻപ് നടന്ന അട്ടിമറി പ്രവർത്തനങ്ങളിൽ സിംഗിന്റെ പങ്കെന്താണെന്നും എൻ.ഐ .എ അന്വേഷിക്കും.
