കൊച്ചി : സ്വർണക്കടത്ത് കേസിൽ മന്ത്രി കെ.ടി ജലീലിനെ എൻ.ഐ.എ ചോദ്യം ചെയ്യുന്നു. ഇന്ന് രാവിലെ ആറു മണിയോടെയാണ് ജലീൽ തിരുവനന്തപുരത്തു നിന്നും കൊച്ചിയിലെത്തിയത്. സിപിഎം നേതാവിന്റെ കാറിലാണ് അദ്ദേഹം കൊച്ചിയിലെ എൻഐഎ ഓഫീസിലെത്തിയത്. ഇതിനു മുൻപും അദ്ദേഹം യാത്ര ചെയ്ത സ്വകാര്യ വാഹനത്തെക്കുറിച്ച് വിവാദങ്ങൾ ഉയർന്നിരുന്നു.
മതഗ്രന്ഥത്തിന്റെ മറവിൽ നടന്നിരിക്കുന്ന ഇടപാട് യഥാർത്ഥത്തിൽ എന്താണ്, ഹവാല ഇടപാടുകളുമായുള്ള ബന്ധം എന്താണ് എന്ന കാര്യങ്ങൾ കേന്ദ്രീകരിച്ചായിരിക്കും ചോദ്യം ചെയ്യൽ. എൻഫോഴ്സ്മെന്റ് ഡയറക്ടറേറ്റ് ചോദ്യം ചെയ്തതിനു തൊട്ടുപിറകെയാണ് നാഷണൽ ഇൻവെസ്റ്റിഗേഷൻ ഏജൻസിയുടെ ചോദ്യംചെയ്യൽ നടക്കുന്നത്.ജലീലിനെ എൻ.ഐ.എ വിളിച്ചു വരുത്തും മുൻപ് എൻഫോഴ്സ്മെന്റ് ഡയറക്ടർ ഇന്നലെ കൊച്ചിയിലെത്തി എൻ.ഐ.എ ഉദ്യോഗസ്ഥരുമായി സംസാരിച്ചതായാണ് റിപ്പോർട്ടുകൾ ലഭിക്കുന്നത്.
Discussion about this post