ഡൽഹി: ടോക്യോ ഒളിമ്പിക്സ് ഹോക്കി സെമി ഫൈനലിൽ ലോക ചാമ്പ്യന്മാരായ ബെൽജിയത്തോട് പൊരുതി തോറ്റ ഇന്ത്യൻ ഹോക്കി ടിമിനെ അഭിനന്ദിച്ച് പ്രധാനമന്ത്രി നരേന്ദ്ര മോദി.
‘ജയവും തോൽവിയും ജീവിതത്തിന്റെ ഭാഗമാണ്. നമ്മുടെ ഹോക്കി ടീം ടോക്യോയിൽ പുറത്തെടുത്തത് ഏറ്റവും മികച്ച പ്രകടനമാണ്. അതിലാണ് പ്രസക്തി. നമ്മുടെ ടീമിന് വരും മത്സരങ്ങളിലും ഭാവിയിലും എല്ലാ ഭാവുകങ്ങളും നേരുന്നു. നമ്മുടെ കളിക്കാരുടെ പേരിൽ ഇന്ത്യ അഭിമാനിക്കുന്നു.‘ പ്രധാനമന്ത്രി ട്വീറ്റ് ചെയ്തു.
Wins and losses are a part of life. Our Men’s Hockey Team at #Tokyo2020 gave their best and that is what counts. Wishing the Team the very best for the next match and their future endeavours. India is proud of our players.
— Narendra Modi (@narendramodi) August 3, 2021
ഒരു ഘട്ടത്തിൽ ലീഡ് പിടിച്ച ശേഷം അവസാന രണ്ടു ക്വാർട്ടറുകളിലായി ബെൽജിയൻ സൂപ്പർ താരം അലക്സാണ്ടർ ഹെൻഡ്രിക്സ് നേടിയ ഹാട്രിക് മികവിൽ 5-2നായിരുന്നു ബൽജിയത്തിന്റെ വിജയം. 49 വർഷത്തിനിടെ ആദ്യമായാണ് ഇന്ത്യ ഒളിമ്പിക് സെമിയിൽ കളിക്കുന്നത്. മൂന്നാം സ്ഥാനക്കാർക്കായുള്ള മത്സരത്തിൽ വിജയിച്ചാൽ വെങ്കല മെഡലുമായി ശ്രീജേഷിനും സംഘത്തിനും ടോക്യോയിൽ നിന്നും മടങ്ങാം.
